Alemannischi Heftli

Das isch e Liischte mit Heftli won uf alemannisch gschribe sind oder won über die alemannische Dialäkt prichtet.

Alemannisch dunkt üs guet

D Ziitschrift vo de Muettersproch-Gsellschaft isch uf alemannisch gschribe und chunt all halb Jaar use. Sit 1967.

D'Heimet zwische Rhin un Vogese - La tribune des dialectes alémanique et francique

D Ziitschrift vom Verein Heimetsproch un Tradition isch uf französisch, tüütsch und elsässisch gschribe und chunt sächs mal im Jaar use. Si prichtet vor allem über d Situation im Elsass und z Lothringe. Sit 1982.

Land un Sproch - Les cahiers du bilinguisme

D Ziitschrift vo de René Schickele-Gesellschaft isch uf französisch, tüütsch und alemannisch gschribe und chunt drü mal im Jaar use. Si prichtet vor allem über d Situation im Elsass und z Lothringe.

Mundart. Mitteilungsblatt des Mundartforums

D Ziitschrift vom Verein Schweizerdeutsch, wo verschideni Näme ghaa hät und verschide hüüffig usechoo isch, isch hauptsächli uf tüütsch gschribe. Si prichtet vor allem über d Situation i de Schwiiz. Sit 1948.

Rot un Wiss

D Ziitschrift für me Sälbschtbestimmig im Elsass und z Lothringe isch vor allem uf tüütsch und französisch gschribe gsi und jede Monet usecho. Si häd au über d Spraachsituation und d Spraach vom Elsass und z Lothringe prichtet. Vo 1975 bis 2004.

Schwyzerlüt

D Ziitschrift vom Dr. G. Schmid isch uf alemannisch gschribe gsi und sächs mal im Jaar use cho. Si häd über d Situation i de Schwiiz prichtet und vil literarischi Tegscht und Gedicht abtruckt. Vo 1939 bis 1973.