Andreas Clemens

De Andreas Clemens (* 5. Mai 1966 z Hildesheim) isch en dütscher Arzt, wo sich im Fachgebiet Inneri Medizin, Endokrinologie un Diabetologie spezialisiert het. Sini Hauptinteresse liggt in dr Forschig un Entwicklig vo Medikamänt im Bereich vo Kardiologie, Endokrinologie, Ophthalmologie un sälte Krankheite. D Ulrike von Reyher isch sini Frau un schafft als Allgemeinmedizinerin im Münstertal (Schwarzwald).

Andreas Clemens

Läbä un Wärk

Andreas Clemens isch dr zweit Sohn vom Herbert Clemens un dr Dorothea Clemens (geb. Wette). Syy Vatter isch e Gynäkolog gsi un het in dere Zyt as Oberarzt am Städtische Krankenhaus Hildesheim in Niedersachse gschafft.

Noch em Medizinstudium un dr Promotion an dr Georg-August-Universität Göttingen het er im Jahr 1994 si klinischi Usbildig an dr Universitätsklinik Christian-Albrechts-Universität zu Kiel i de Gebiet vo Inneri Medizin, Gastroenterologie un em Institut für Pathologie vo dr Universität afa. Im Jahr 1997 het er d Wechsel gmacht un isch as Assistenzarzt am Universitätsklinikum Heidelberg in dr Inneri Medizin un Endokrinologie iigstiege un het im Jahr 2000 si Arbet am Klinikum Ludwigshafen i de Gastroenterologie un im doritige Diabeteszentrum ufgnome. 2001 isch er als wisseschaftlicher Mitarbeiter in d Pharmaindustrie i verschiedene Unternehmen (Pfizer GmbH, Boehringer Ingelheim GmbH un Novartis Pharma AG) gwechselt. Er het verschiedeni nationale un internationale Verantwortligkeite bi pharmazeutische Produkt i de Bereiche vo Kardiologie un Stoffwechsel, Endokrinologie, Pulmonologie, Augenheilkunde, sowie i de Bereich vo sehr sälte Erkrankige (Antikörpertherapie un Gentherapie) gha un in dem Zsammehang zahlreiche wissenschaftligi Untersuechige un Studie vo dr präklinische, über Phase I bis hin zu Phase IV veröffentlicht. Er het aa a dr Entwicklung vo verschiedene Medikamänt mitgwirkt (z. B. s inhalative Insulinpräparat Exubera, Pradaxa, Telmisartan un Amlodipin un s Kombinationsmedikament Twynsta). Däzue isch er als Autor vo multiplen Patenteinreichunge gelistet. Im Rahme vo sinere wissenschaftlige Arbet het er me als 130 peer-reviewed-Artikel veröffentlicht.

Er het en H-Index vo 42 erreicht. 2016 het er sich im Fach Inneri Medizin (Kardiologie) habilitiert un isch a dr Johannes Gutenberg-Universität Mainz zum Privatdozent ernannt worde. Er isch Mitglied vo dr European Association for Vision un Eye Research Foundation. Zudem isch er assoziierter Editor (Redakteur) bi Contemporary Clinical Trials. Zudem isch er aktiv in dr Lehr an dr Albert-Ludwigs-Universität Friburg. Mit sine aktuelle Position als Medizinischer Direktor vo dr Region Europa am Hauptsitz vo dr Novartis Pharma AG in Basel, Schwiz het er sini Karriere fortgsetzt.

Weblink

• Andreas Clemens bi de Dütsche Nationalbibliothek
• Universität Freiburg
• Publikatione unter PubMed
• Rocketreach
• Worldcat.org | Andreas Clemens

Dä Artikel basiert uff ere fräie Übersetzig vu dere Version vum Artikel „Andreas_Clemens_(Mediziner)“ vu de dütsche Wikipedia. E Liste vu de Autore un Versione isch do z finde.