August Langenbeck
| Dialäkt: Schwäbisch |
Dr August Langenbeck (* 14. Januar 1912 z Wubbrdaal, † 26. April 1981 z Stuegert) ischt a deitscher Kirchamusiker (Organischt, Kantor, Dirigent) gwäa.
Aus seim Leaba ändere
Dr August Langenbeck kommt am 14. Januar 1912 z Wubbrdaal uff d Welt. Scho em friha Kendesalder ziagt’r mit seine Leit om an d Nordsee, wo-nr au aufwechst. Noch seim Abidur wuud’r Schialer vom Clemens Kraus ond vom Karl Straube. Sei erschda Stell als Kantor kriagt’r an dr Lukaskirch en Stuegert. Em Johr 1937 ibrnemmt’r d Leidong vom Chor an dr Stuegerter Pauluskirch. Em Alder vo 28 Johr wuud dr August Langenbeck zor Wehrmacht eizoga, om Kriagsdenscht zo leischda. Em Oschluss kommt’r bei de Franzosa en Gfangaschaft. 1948 schliaßlich ischt’s-em vorgennt, entlassa zo werra. Kaum wiider zruck en Stuegert, vorsiht’r wiider sei gwohnts Amt an dr Pauluskirch. Zääa Johr späder wuud’r – zamma mit-em Karl Gerok – Kantor an dr Stuegerter Stiftskirch. Des ischt d Hauptkirch vo dr Evangelischa Landeskirch en Wirdaberg. Glei en seim erschda Denschtjohr grendet’r da Stuegerter Kandadachor ond ruaft dui Konzertreihe Stunde der Kirchenmusik ens Leaba. Neabaher leidet’r d Abdeilong Kirchamusik beim Siddeitscha Rundfunk[1] En dera Zeit macht’r au d Bekanntschaft mit-em jonga Helmuth Rilling ond setzt sich mit ganzer Kraft drfir ei, dass dr sell z Stuegert ghalda ond Kantor an dr Gedächtniskirch wuud.[2]
Am 26. April 1981 schliaßt dr August Langenbeck z Stuegert seine Auga fir emmer. 69 Johr alt isch der Moo worra.
Litradur ändere
- Siegfried Bauer: Württembergische Größen der Kirchenmusik, a Ardikel en dr Festschrift Landeskirchenmusikfest 2017, rausgäa vo de Württembergische Blätter für Kirchenmusik, Ausgab 3/2017, S. 64–73
- Lueg d Weblink
Weblinks ändere
Fuaßnoda ändere
- ↑ 1998 isch dr Siddeitsche Rundfunk (SDR) mit-em Sidweschtfunk (SWF) zom Sidweschtrundfunk zammagschlossa worra.
- ↑ D Sara Maria Rilling ibr ihrn Vadder Helmuth Rilling