Bürgle TG

S TG im Lemma isch s offiziell Chürzel vom Kanton Thurgau und wird bruucht, zum Verwächslige mit Yträäg vom Name Bürglen vermyde, wo öppis anders meined.

Bürgle isch e Gmeind im Bezirk Wiifelde im Kanton Thurgau.

Bürglen
Wappe vo Bürglen
Basisdate
Staat:	Schwiiz
Kanton:	Thurgau (TG)
Bezirk:	Wiifeldew
BFS-Nr.:	4911i1f3f4
Poschtleitzahl:	8575
Koordinate:	728817 / 26799147.5499999.149998441
Höchi:	441 m ü. M.
Flächi:	11,7 km²
Iiwohner:	4067 (31. Dezämber 2022)
Website:	www.buerglen-tg.ch
di reformiärti Chilä und s Schloss Bürglä di reformiärti Chilä und s Schloss Bürglä
Charte
Charte vo Bürglen w

Gmeind Bürgle

E Brugg über d Thur verbindet Istighofe im Süde mit Bürgle. Wiiter ghöred die früenere Ortsgmeinde Opfershofe (nöd z verwechsle mit Opfershofe SH) und Leimbach im Nordoste zur politische Gmeind Bürgle. Zum Dorfbild ghört s Schloss Bürgle, wo zum Teil die eint Primarschuel beherbergt, und de chli alti Dorfchern, wo sich am Fuess vum Schloss erstreckt.

Schuele

Über d Kantonsgrenzi usse isch d Oberstufe Bürgle bekannt für ihres Schuelmodell (Lernruum / Lernumgebung) und iri Sport-Tagesschuel. Sit 2012 bestoot au no de «FCO Campus», e Eliteschuele vom Ostschwizer Fuessball, wo knapp 30 Schüeler i schuelische Fächer underichted und glichzitig im Fuessball speziell träniert wärded.

Fasnacht

En Gheimtipp isch au d Bürgler Fasnacht. Alljöörlich dur d Schlosshüüler organisiert, gilt z Bürgle wääred 6 Tag – jewiils Ziischtig bis Sunntig – Usnaamezuestand. Seis a de traditionelle Metzgete, a de bekannte Beizefasnacht, am Bürgler Maskeball oder am Fasnachtsumzug, d Bürgler und vili anderi sind gern debi und frööned di fasnächtlichi Kultur.

Alpeland

Alljöörlich findet im Mai s Alpelandfestival statt. S gits sit em 2003 und s durt 4 Täg, jewils vom Dunnschtig bis Sunntig. Gäst sin zum Bispiil d Francine Jordi, d Blaumeise (beidi 2006) und de Hansi Hinterseher (2005) gsi.

Bilder

• 
  de Wiiler Moos
• 
  Ischtighofä
• 
  d Thurbrugg
  vo Bürglä uf Ischtighofä
• 
  s Schloss Bürglä

Weblink

 Commons: Bürglen – Sammlig vo Multimediadateie

• Offizielli Websiite vo Bürgle
• Gregor Spuhler: Bürglen (TG). In: Historisches Lexikon vo dr Schwiiz.
• André Salathé: Istighofen. In: Historisches Lexikon vo dr Schwiiz.
• Erich Trösch: Leimbach (TG). In: Historisches Lexikon vo dr Schwiiz.
• Erich Trösch: Opfershofen (TG). In: Historisches Lexikon vo dr Schwiiz.