Belisama

D Belisama isch e keltischi Göttin wo mit de römische Göttin Minerva gliichgsetzt woren isch. De Name isch Gallisch und bidütet »Glänzigi«.

d Widmig vom Segomaros a d Göttin Belisama

Vereerig

A de Göttin Belisama (ΒΗΛΗΣΑΜΙ) het en Segomaros en Hailige Hain (nemeton) gstiftet und da inere Inschrift verebigt und e latinischi Inschrift setzt d Belisama mit de Minerva gliich. Baid Inschrifte stamet us Südgallie.

De Name vo de Göttin chunnt au i Ortsnäme vor, us de Antiki öberliferet isch nume e britannischi Flussmündig Belisama (Βηλίσαμα).

Büecher

• Bernhard Maier, Lexikon der keltischen Religion und Kultur; Kröner, Stuttgart (1994). ISBN 3-520-46601-5