De Bernhard vo Aosta, au Bernhard vom Mont-Joux oder Bernhard vo Menthon († 15. Juni 1081 z Novara) isch de Archidiakon vo Aosta gsii und het Hospiz uf de baide noch em binente Päss Grooss St. Bernhard und Chlii St. Bernhard iigrichtet. Er isch de Schuzpatron vo de Älpler und Bergstiiger. Noch em sind d Bernhardiner Hünd binennt.

Statue vom St. Bernhard uf em Chlii Sant Bernhard

Lebe ändere

De Bernhard isch entweder 923 oder 938 uf d Welt choo und het em Hochadel aghört und isch verwandt mit de Königin Ermengard vo Burgund gsii. Wonen sin Vatter het wöle verlobe, isch er uf Aosta gfloche und isch vom Archidiakon Peter zum Priester gmacht wore. Noch em Tood vom Peter ane 955 isch de Bernhard Archidiakon wore. I de Mitti vom 11. Joorhundert het er uf em Groosse St. Bernhard und uf em Chliine St. Bernhard Hospiz iigrichtet, zwee Päss wo för Pilger, wo uf Rom hend wöle, wichtig gsii sind. Im April 1081 het er z Pavia versuecht de Chaiser Heinrich IV. devo abzhalte, gege de Poobst Gregor VIII. z chämpfe. Uf sinere Hairais isch er den z Novara gstorbe.

Vereerig ändere

De Hailig Bernhard isch scho im 12. Joorhundert im ganze Piemont vereert wore und de Bischof Richard vo Novara het en im Joor 1123 hailig gsproche. Ane 1681 isch er vom Poobst Innozenz XI. offiziell as Hailige is römische Martyrologium ufgnoo wore. Zum Schutzpatron vo de Bergstiiger und Älper isch er ane 1923 vom Poobst Pius XI. erchlärt wore.

Literatur ändere

Weblink ändere