Bezirk Gäu

De Bezirk Gäu («s Göi» gnennt) isch e Bezirk vom Kanton Soledurn und lyt zwische Olte und Soledurn. Är ghört zue dr Amtei Thal-Gäu.

Bezirk Gäu
Bezirk Gäu
Basisdate
Staat:	Schweiz Schwiiz
Kanton:	Soledurn (SO)
Hauptort:	Önzige
BFS-Nummere:	1101
Flechi:	62,05 km²
Höchi:	399–1033 m ü. M.
Iiwohner:	22'819 (31. Dezämber 2022)
Bevölkerigsdichti:	368 Iiw. pro km²
Charte
Charte vo Bezirk Gäu

Begränzt wird dr Bezirk im Norde vo dr erschte Chetti vom Jura, im Weschte vo dr Kantonsgränze gäge s Bipperamt und im Süde vo dr Aare. Ds Gäu wird vo de zwe wichtigschte Autobahne vo dr Schwyz durquert, vo dr A1 und vo dr A2, wo sich am Autobahnchrüz Harchinge vereinige. Ufgrund vo dr guete Verkehrslag hed sich ds Gäu syt em Nationalstrassebau stark veränderet und es hei sich etlichi Logistikfirme entlang vo ihne agsammled. Absyts dervo hed ds Gäu sy ländlich Charakter guet chöne bhalte.

Dr Bezirk Gäu hed e Flächi vo 62,02 km² und isch Ändi 2005 vo 17'148 Lüt bewohnt worde, Ändi 2015 sinds dänn s erscht Mol über zwänzgtuusig gsii (20'398).

Wappe

Zwöimal teilt vo Rot, Silber und Schwarz

Gmeinde

Wappe	Gmeind	Ywohner (Dez. 2005)	Flächi in km²	BFS-Nr
	Cheschtehouz	1672	8,59	2403
	Egerchinge	2879	6,93	2401
	Härchinge	1243	5,57	2402
	Nöiedorf	1904	7,13	2404
	Niderbuchste	967	5,49	2405
	Oberbuchste	1829	9,39	2406
	Önzige	4610	12,03	2407
	Woufu	2044	6,89	2408
	Total	17'148	62,02	1101

Region Gäu

Dr politisch Bezirk Gäu sett me nid mit dr Region Soledurnischs Gäu verwächsle. Si isch meh historisch prägt und es ghöre zuesätzlich zu de Gäuergmeinde ou no d Untergäuer Gmeinde Gunzge, Fulebach, Chappu, Bonige, Hägedorf, Rickebach ond Chlywange – e Teil vom Dorf Wange bi Oute derzue.

Weblink

 Commons: Bezirk Gäu – Sammlig vo Multimediadateie

• Erich Schenker: Gäu. In: Historisches Lexikon vo dr Schwiiz.