Bistum Augsburg
S Bischtum Augschburg (lat. Dioecesis Augustana Vindelicorum) isch e Diezese im Sidweschte vu Bayern. D Diezese umfasst wyti Dail vum bayrische Regierigsbezirk Schwobe, aber au Dail vum altbairische Biet eschtlig vum Lech un e baar Biet im weschtlige Mittelfranke.
| Karte | |
| |
| Basisdate | |
|---|---|
| Staat | Dytschland |
| Chilcheprovinz | Minche un Freising |
| Metropolitanbischtum | Minche un Freising |
| Diözesanbischof | Konrad Zdarsa |
| Wejbischof | Anton Losinger |
| Emeritierte Diözesanbischof | Viktor Josef Dammertz OSB Walter Mixa |
| Emeritierte Wejbischof | Josef Grünwald Rudolf Schmid Maximilian Ziegelbauer |
| Generalvikar | Karlheinz Knebel |
| Flechi | 13.250 km² |
| Dekanat | 36 (31.12.2008 / AP2010) |
| Pfaareje | 1.001 (31.12.2008 / AP2010) |
| Yywohner | 2.296.446 (31.12.2008 / AP2010) |
| Katholike | 1.389.446 (31.12.2008 / AP2010) |
| Aadeil | 60,5 % |
| Diözesanprieschter | 736 (31.12.2008 / AP2010) |
| Ordensprieschter | 338 (31.12.2008 / AP2010) |
| Ständigi Diakon | 147 (31.12.2008 / AP2010) |
| Katholiken je Priester | 1.294 |
| Ordensbrieder | 610 (31.12.2008 / AP2010) |
| Ordensschweschtere | 1.589 (31.12.2008 / AP2010) |
| Ritus | Römischer Ritus |
| Liturgiisproch | Dytsch |
| Kathedrale | Dom vu Unsere Liebe Frau |
| Konkathedrale | Basilika St. Peter |
| Aaschrift | Fronhof 4 86152 Augsburg |
| Internetufftritt | www.bistum-augsburg.de |
| Kirchenprovinz | |
| |
Gschicht ändere
Gschicht vum Bischtum ändere
Augschburg (lat. Augusta Vindelicum) isch as Hauptstadt vu dr remische Brovinz Raetia secunda au ne Stadt gsii, wu dur s remisch Imperium scho verainzelt erschti Chrischte aane chuu sin. D Bischtumspatronin St. Afra isch di erscht bekannt Glaibig gsii, wu fir ihre Glaube vu Remer aafangs 4. Johrhundert hiigrichtet woren isch. Dr Aposchtel vum Allgai, dr Hl. Magnus het im 8. Johrhundert im Biet vum hitige Bischtum missionert.
Unter em Bischof Simpert, eme andere Bischtumspatron, sin um s Johr 800 Zäntre vu dr Kultur entstande wie zem Byschpel d Benediktinerabteie Benediktbeire, Wessobrunn oder Ottobeire. Au dr St. Ulrich het rund hundert Johr speter s Bischtum un d Gschicht bregt, wun er vor allem dur d Schlacht uf em Lechfäld anne 955 dryygangen isch. S Bischtum het aafangs zue dr Chilchebrovinz Mainz ghert.
Anne 1530 isch z Augschburg uf em Rychsdag d Spaltig zwische dr katholische un dr evangelische Chilche bsiglet wore. Churzi Zyt speter isch unter dr Laitig vum Jesuitepater Petrus Canisius z Dillenge anne 1549 e katholischi Reformuniversitet entstande, wu wyt iber d Gränze vum Bischtum uuse bekannt woren isch.
S Zytalter vum Barock isch im Side vum Bischtum e Bluescht fir Böumaischter, Stuckateur un Moler gsii. Bis hite brege die Hyffe vu Chloschter- un Bfaarchilche, wu dertemol entstande sin, d Region un hän em sognännte Pfaffewinkel dr Name gee. Byschpel doderfir sin d Böumaischter vu dr Wessobrunner Schuel, s Mariemenschter bi Dieße, d Chleschter Benediktbeire un St. Ottilie oder Wallfahrtschilche wie d Chloschterchilche Andechs un d Wiskirch bi Stoegade, wu hite zum Wältkulturerb ghert. Au in andre Biet vum Bischtum wird dur Barockchilche bregt: Dail vu Mittelschwobe – vor allem s Biet vum hitige Landchrais Genzburg – wird au Schwäbsiche Barockwinkel gnännt.
Zwische 1802 un 1803 isch d Chilche in dr Säkularisation entaignet wore. Dr Benediktinerpater Placidus Braun het vu 1813 bis 1815 in vier Bänd di erscht Geschichte der Bischöfe von Augsburg uusegee. Aafangs 19. Johrhundert isch d Diezese nei gordnet wore. D Bischtumsgränze hän sich gänderet un allmee Laie hän sich in e Huffe katholische Verain engaschiert. Au Ordensgmainschafte hän in däre Zyt e große Zuewachs iberchuu.
Patron ändere
Bischtumspatron sin dr Hailig Bischof Ulrich, di Hailig Afra un dr Hailig Bischof Simpert.
Bischtumsgliderig ändere
S Bischtum Augschburg isch em Erzbischtum Minche-Freising as Suffraganbischtum zuegordnet. D Diezese bstoht us 1001 Bfaargmaine, wu in 36 Dekanat un acht Diezesanregione zämmegfasst sin:
|
Region Augschburg
|
Region Kempte
Region Nei-Ulm
|
Literatur ändere
- Antonius von Steichele (Bd. 2–5), Alfred Schröder (Bd. 6–8), Friedrich Zoepfl (Bd. 9–10): Das Bistum Augsburg. historisch und statistisch beschrieben. Augsburg 1864–1940 (Band 1 ist nicht erschienen.)
- Bd. 2: Die Landkapitel Agenwang, Aichach, Baisweil, Bayer-Mänching, Burgheim, 1864 (Digitalisat)
- Bd. 3: Die Landkapitel Dilingen, Dinkelsbühel, Donauwörth, 1872 (Digitalisat, E-Text „Landkapitel Dinkelsbühel“)
- Bd. 4: Die Landkapitel Friedberg, Füssen, Höchstätt, Hohenwart, 1883 (Digitalisat)
- Bd. 5: Die Landkapitel Ichenhausen und Jettingen, 1895 (Digitalisat)
- Bd. 6: Das Landkapitel Kaufbeuren, 1904 (Digitalisat)
- Bd. 7: Das Landkapitel Oberdorf, 1906 (Digitalisat)
- Bd. 8: Das Landkapitel Schwabmünchen, 1932 (Digitalisat)
- Bd. 9: Das Landkapitel Kirchheim, 1939
- Bd. 10: Das Landkapitel Mindelheim, 1940
- Jahrbuch des Vereins für Augsburger Bistumsgeschichte. Augsburg 1967 ff., ISSN 0341-9916.
- Wolfgang Wüst: Geistlicher Staat und Altes Reich: Frühneuzeitliche Herrschaftsformen, Administration und Hofhaltung im Augsburger Fürstbistum (Studien zur Bayerischen Verfassungs- und Sozialgeschichte XIX/1 und XIX/2), München (Kommission für Bayerische Landesgeschichte) 2001, 2 Bde., ISBN 3-7696-9709-X.
- Christoph Goldt: Die Diözese. Geschichte, Strukturen, Ämter. Kirche kurz und bündig (Band 2). Bischöfliche Pressestelle, Augsburg 2005, 22 S.
Weblink ändere
Commons: Bistum Augsburg – Sammlig vo Multimediadateie- Offiziälli Syte vum Bischtum
- Yydrag uf catholic-hierarchy.org (änglisch)
- Yydrag uf gcatholic.org (änglisch)
- Augsburg und seine Heiligen
- Medienbeteiligungen der Diözese Augsburg, Websyte vu dr KEK
|
Dä Artikel basiert uff ere fräie Übersetzig vum Artikel „Bistum_Augsburg“ vu de dütsche Wikipedia. E Liste vu de Autore un Versione isch do z finde. |