Uf der Blattun
Uf dr Blattun, offiziell Blatten, isch e Gmeind im Bezirk Weschtli Araro im Wallis.
| Uf dr Blattun | |
|---|---|
 | |
| Basisdate | |
| Staat: | Schwiiz |
| Kanton: | Wallis (VS) |
| Bezirk: | Westlich Araro |
| BFS-Nr.: | 6192 |
| Poschtleitzahl: | 3919 |
| Koordinate: | 629381 / 141278 |
| Höchi: | 1'542 m ü. M. |
| Flächi: | 90,63 km² |
| Iiwohner: | 298 (31. Dezämber 2022)[1] |
| Website: | www.blatten-vs.ch |
.jpg) Blattun | |
| Charte | |
 | |
Geografy ändere
S Dorf lyt z oberscht im Leetschentaal. Durs Taal flüsst d Lonza, e Sytefluss vom Rottu. Zu dr Gmeind ghöre d Wyler Eiste, Ried und Wysseried. Obedra sind d Alpdörfli vo dr Weritzalp, vo dr Tellialp, uf Chüemad und uf dr Fafleralp, und no wyter im Taal obe dr Gletscherstafel und dr Guggistafel.
D Chile, wo ane 1985 bout worden isch, het s Patrozinium vo dr Chönigin vom Roosechranz.
Oben am Langgletscher stoot am Bärggraat über dr Leetschelücke, wo me zum Aletschgletscher überegoot, d Hollandiahütte vom SAC.
Gschicht ändere
Uf dr Blattun ischt zum eerschtu Mal gnennt choo im Jaar 1433 als uffen der Blattun.
Iwoner ändere
Quella: Bundesamt für Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iwoner | 234 | 272 | 288 | 277 | 284 | 274 | 305 | 329 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iwoner | 343 | 372 | 362 | 344 | 343 | 327 | 296 | 281 |
Dr Üsländeraateil ischt 2010 bi 2 % glägu.[3]
Religion ändere
98,2 % vannu Iwonru sint im Jaar 2000 remisch-katholischi gsii.
Politik ändere
Dr Ggmeindspresident uf der Blattun ischt dr Jean-Christoph Lehner (Stant Oktober 2017).
Spraach und Tialäkt ändere
Bi dr Volchszellig 2000 heint vannu 281 Iwonru 99,6 % Titsch als Höiptspraach aagigää und 0,4 % anneri Spraache.[3]
Dr heggschtalemannisch Tialäkt va uf der Blattu gcheert zen weschtlichu Tialäktu vam Wallisertiitsch.
Lüüt ändere
- Walter Henzen (1895–1967), Germanischt
Weblink ändere
Commons: uf der Blattu – Sammlig vo Multimediadateie- www.blatten-vs.ch
- Werner Bellwald: Blatten (VS). In: Historisches Lexikon vo dr Schwiiz.
Fuessnoote ändere
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 3,0 3,1 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
