CIA World Factbook

The World Factbook, (1975 bis 1980 National Basic Intelligence Factbook, au as CIA World Factbook bezäichnet), wird vo dr CIA uusegee und enthaltet statistischi Date über alli Länder uf dr Wält, vor allem us de Beriich Demografii, Wirtschaft, Infrastruktur, Politik und Milidäär. Es het din au Liste vo Länderabchürzige, Flagge etc.

S World Factbook isch ursprünglig gmacht worde für die Aaghöörige vo dr Bundesregierig vo de Veräinigte Staate; es isch zum erste Mol 1962 as Ghäimdokumänt erschiine. Sit 1971 existiert au en öffentlig zuegängligi Versioon; sit 1975 wird s World Factbook druckt veröffentligt. Sit 1994 cha mä s im Internet as HTML Dokumänt lääse. Es wird jedi Wuche aktualisiert und isch doorum immer aktueller as die druckti Fassig. Alli Usgoobe si sit 2000 komplett zum Download im Internet.

S Factbook isch gmäinfrei, si Inhalt cha also ooni bsundrigi Erlaubnis beliebig brucht wärde. D Verwändig vom Siigel vo dr CIA isch allerdings verbote.

Weblingg ändere

Commons: PD CIA WF – Sammlig vo Multimediadateie

ISSN: 0277-1527

Dä Artikel basiert uff ere fräie Übersetzig vum Artikel „The_World_Factbook“ vu de dütsche Wikipedia. E Liste vu de Autore un Versione isch do z finde.