Demosthenes

Dr Demosthenes (altgriech. Δημοσθένης, Dēmosthénēs; latiinisch und dütsch De'mosthenes, * 384 v. d. Z.; † 322 v. d. Z. z Kalaureia) isch woorschinlig dr bedütendsti griechischi Redner gsi. Noch em Friide vom Filokrates im Joor 346 v. d. Z. isch er zum füerende Staatsmaa vo Athen ufgstiige. Die Posizioon het er bis zur Harpalosaffäre 324 v. d. Z., won er vom Gricht wäge Bestächligkäit verurdäilt worde isch, chönne bhalte.

Dr Demosthenes

Lääbe

Dr Demosthenes isch nid vo Natur us e guete Reedner gsi. D Chraft vo sinere Stimm het er mit Stimmdrääning chönne verbessere, aber s improwisierte Reede het er nie beherrscht. Er het sis ganze Lääbe lang gege Makedonie Politik gmacht, zerst gegen e Filipp mit eme Bündnis, wo 338 v. d. Z. in dr Schlacht vo Chaironeia gschlaage worde isch, wo aber im Demosthenes nid si Stellig kostet het. Wo dr Harpalos vor em Alexander em Groosse uf Athen gflüchdet isch, häig er, wie dr Athener Areopag festgstellt het, dr Demosthenes mit zwanzig Dalänt bestoche. Dr Demosthenes isch zun ere Buess vo fufzig Dalänt verurdäilt worde, het nid chönne zaale und isch in s Gfängnis choo. Er isch gflüchdet und isch noch em Dood vom Alexander im Joor 323 v. d. Z. us em Exil zrugg uf Athen. Er het wider antimakedonischi Politik gmacht. Wo denn dr makedonisch Statthalter Antipatros im Lamische Chrieg 322 v. d. Z. d Athener gschlaage het, het sich dr Demosthenes sälber umbrocht zum nid verhafdet z wärde.

Litratuur

• Iris Samotta: Demosthenes. A. Francke Verlag (UTB Profile), Tübinge 2010, ISBN 978-3-8252-3407-2.
• Gustav Adolf Lehmann: Demosthenes von Athen. Ein Leben für die Freiheit. Beck, Münche 2004, ISBN 3-406-51607-6
• Julia Witte: Demosthenes und die Patrios Politeia. Von der imaginären Verfassung zur politischen Idee. Habelt, Bonn 1995, ISBN 3-7749-2706-5.

Weblingg

 Commons: Demosthenes – Sammlig vo Multimediadateie

 Demosthenes im dütschsprochige Wikisource

• Demosthenes’ Werke in englischer Übersetzung
• Demosthenis Oratorum Graeciae principis Opera, quae ad nostram aetatem peruenerunt, omnia: in quinq[ue] divisa partes ... / unà cum Vlpiani Rhetoris Commentarijs, È Graeco in Latinium sermonem conuersa, per Hieronymvm VVolfivm Oetingensem. – Basileae: Oporinus, 1549. Digitalisierte Ausgabe der Universitäts- und Landesbibliothek Düsseldorf
  • 1. Band
  • 2. Band
  • 3. Band
  • 4. Band
  • 5. Band

Dä Artikel basiert uff ere fräie Übersetzig vum Artikel „Demosthenes“ vu de dütsche Wikipedia. E Liste vu de Autore un Versione isch do z finde.