Der Wachsblumenstrauss

Der Wachsblumenstrauss
Orginalusgob
Genre Kriminalroman
Autor Agatha Christie
Orginalsproch Änglisch (UK)
Verlag Collins Crime club, London
Erschinigsjoor 1953
düütschi Uusgob
Buechtitel Der Wachsblumenstrauss
Erschinigsjoor 1955

Der Wachsblumenstrauss isch en Kriminalroman vo de Agatha Christie, wo 1955 erschine isch. Di englisch Uusgab isch am 18. Mai 1953 under em Titel After the Funeral vom „Collins Crime Club“ in London veröffentlicht worde. Das Buech isch au verfilmt worde. De Film mit de Margaret Rutherford i de Rolle vo de Miss Marple richtet sich aber nur wenig bis gar nöd nach em Buech, denn de Roman isch eigentlich en Hercule-Poirot-Fall.

Inhalt ändere

De Richard Abernethie, en schwerriche alte Herr und Bsitzer vom Landhus Enderby Hall, stirbt unerwartet im Alter vo 68 Jahr. Nach de Beerdigung eröffnet de Mr. Entwhistle s'Testament vom Verstorbne. De Entwhistle isch en langjährige Fründ gsi vom Richard. Dem sis Vermöge söll glichmässig under de Verwandte verteilt werde. Das freut d Cora Lansquenet, em Richard sini jüngscht Schwöschter, bsunders. D Cora isch scho immer ächli chindisch gsi und het hüffig unpassendi Bemerkige gmacht. So seit si, dass au si überrascht gsi isch vom plötzliche Tod, aber mer heg ja alles guet vertuscht und füegt bi: „er isch doch ermordet worde, oder?“.

Die Bemerkig verunsicheret d'Familiemitglieder und au de Notar Entwhistle, wo churz druf abe afangt naforsche, wie de Richard Abernethie würklich gschtorbe isch. Am Tag nach de Beerdigung wird d'Cora nämlich brutal ermordet, möglicherwiis, damit si nüme me über de Tod vom Richard cha usplappere. De Entwhistle stellt fescht, dass alli Erbe s'Gäld guet bruuche chönd und dass chum öpper es Alibi hät. Äs Motiv hetted also alli gha und da de Entwhistle nöd wiiter chunnt, frögt er de Hercule Poirot um Hilfe.

Persone ändere

  • Hercule Poirot, de berüehmti belgischi Detektiv
  • Mr. Entwhistle, de Awalt vo de Familie Abernethie und Testamentsvollstrecker
  • Inspector Morton, de Polizischt, wo im Mordfall Cora Lansquenet ermittlet
  • Mr. Goby, en Privatdetektiv, wo im Uftrag vom Poirot ermittlet
  • Richard Abernethie, Guetsherr vo Enderby Hall, Erblasser
  • Cora Lansquenet, em Richard sini jüngscht Schwöschter. Si het de untalentiert Maler Pierre Lansquenet ghüratet und Male isch au ires Hobby gsi.
  • Miss Gilchrist, d'Hushälteri vo de Cora.
  • Rosamund Shane, e Verwandti vom verschtorbne Richard Abernethi. Si isch Schauspielerin imene Theater.
  • Michael Shane, de Ma vo de Rosamund, au er isch Schauspieler.
  • Helen Abernethie, d'Frau vom verschorbne Leo Abernethie, en Brüeder vom Richard
  • Timothy Abernethie, en Brüeder vom Richard. Er isch de eltischti na läbändi Abernethie, het aber schweri gsundheitlichi Problem, wie er behauptet. Einigi gsend in aber als blosse Hypochonder.
  • Maude Abernethie, d'Frau vom Timothy.
  • Susan Banks, e geboreni Abernethie.
  • Gregory Banks, an Apitheker und de Ma vo de Susan Banks.
  • George Crossfield, en Verwandte vom Richard. Er schafft inere Awaltskanzlei.