Diskussion:Linner Linde

Winter- oder Summerlindä?

Im Artikel schtaad, d Lindä vo Linn siig än alti Winterlindä (Tilia cordata). I dr diitschä Wikipeedia isch si ä markanti Summerlindä (Tilia platyphyllos). I beedä Fäll wärdid diä Uissaagä aber nid beläid. Wenn ich das richtig gsee, gids oi i dr Sekundäärliteratuir underschidlichi Agaabä. Was mäint de iisä Fachma da drzuä?

Im franzesischä Artikel schtaad numä, si gälti als scheenschti Lindä vo dr Schwiiz, wenn nid gaar vo Europa. Aber was das fir nä Lindä sell sii, wird nid gsäid. --B.A.Enz (Diskussion) 20:45, 21. Aug. 2021 (MESZ)

Sali B.A.Enz, ich bii zwar scho vor dr Linner Linde gstande, aber was es jetz gnau fir e Linde isch, waiß i nimi. Aifach mol aanefahre un d Bletter aaluege: Het s (im Friejohr) uf dr Untersyte vu dr Bletter hällbruuni Häärli in dr Achsle vu dr Blattnerve, isch s e Summerlinde, het s wyssi Häärli isch s e Winter-Linde ... --Holder (Diskussion) 14:58, 22. Aug. 2021 (MESZ)

Hoi Holder. Dankä fir dii Antwurt. Ich bi chirzlich sogaar drunder gschtandä, aber Bletter hani dummerwiis weder uifgläsä nu abgrupft. De miänd miär halt diä Fraag nu chli offä laa. --B.A.Enz (Diskussion) 15:04, 22. Aug. 2021 (MESZ)

Hed sich underdessä erledigt, s isch ä Summerlindä. Diä frindlich Daamä vom Jurapark-Marketing säid, iri Biolooginnä häigi das scho abkläärd und i irnä Broschiirä oi ä so daargschteld, eppä hiä. --B.A.Enz (Diskussion) 22:02, 24. Aug. 2021 (MESZ)

Im Dezämber 2015 het s halt aifach kaini Bletter ghaa ...

Merci vylmol! Ainewäg chennte mer jo mol e Dräffe mache mit eme Uusflug zue dr Linner Linde. --Holder (Diskussion) 06:34, 25. Aug. 2021 (MESZ)

Ä guäti Idee. Ibrigens sind oi scho anderi äinisch dett gsi. --B.A.Enz (Diskussion) 08:56, 25. Aug. 2021 (MESZ)

Ha gmäint, s Oute sei verbotte …   --Freiguet (Diskussion) 15:30, 25. Aug. 2021 (MESZ)