Eddy Merckx
Dr Eddy Merckx (* 17. Juni 1945 z Meensel-Kiezegem, Belgie; eigetlig Edouard Louis Joseph Baron Merckx) isch en ehemolige belgische Profi-Velorennfahrer und hüt en Undernähmer.
| |
| Dr Eddy Merckx 1973 | |
| Personedate | |
|---|---|
| Spitzname | Le Cannibal |
| Geburtsdatum | 17. Juni 1945 |
| Nation |  Belgie
|
| Disziplin | Stross Bahn Cyclocross |
| Fahrertyp | All-rounder |
| Internationali Team | |
| 1965 1966–1967 1968–1970 1971–1976 1977 1978 |
SOLO-SUPÉRIA PEUGEOT-BP FAEMA bzw. FAEMINO MOLTENI FIAT C & A |
| Wichtigsti Erfolg | |
|
| |
Der Merckx isch – gmässe an der Quantität und der Qualität vo siine Siig – der erfolgriichsti männligi Velorennfahrer in der Gschicht vom Velorennsport. Er het je fümf Mol die beide wichtigste Toure, d Tour de France und dr Giro d’Italia gwunne und eimol d Vuelta a España. Er isch in alle Diszipline vom Velosport hervorragend gsi: Er het Eidagklassiker gwunne, Etapperenne und Sächsdagerenne, er het uf de Bärgetappe dominiert, bim Zitfahre und bi Sprint. Vo 1969 bis 1975 het er siibemol s Super Prestige Pernod Klassemänt gwunne, wo zu säller Zit em spötere Velowältcup- bzw. em UCI-ProTour-Klassemänt entsproche het. Wil er so sehr uf s gwünne us gsi isch, het men em dr «Kannibal» gsait.
E Mehrheit vo Velosportexperte luegt en hüt as der grössti Velorennfahrer vo allne Zite a.[1], so unter andere der Lance Armstrong[2], der Bernard Hinault und der Miguel Indurain und d Cycling Hall of Fame[3].
Zehlt mä alli Renne – also au d «Volksfestrenne», wo z Holland und z Belgie sehr beliebt si, und anderi chliineri Verastaltige – so het der Merckx zwüsche 1965 und 1978 im Ganze über 530 Velorenne gwunne:
- Siig uf der Stross: 525 – drunder Profi-Siig 445
- Siig uf der Bahn: 98
- Siig bi Cyclocross-Renne: 2.
Nume d Französin Jeannie Longo isch mit bishär 1'091 Siig erfolgriicher gsi as är.[4]
Literatur ändere
- Daniel Friebe: Eddy Merckx: The Cannibal. Ebury Press, 2012, ISBN 978-0-09-194314-1.
- William Fotheringham: Merckx: half man, half bike, London: Yellow Jersey Press, 2012, ISBN 978-0-224-07448-3
- Helmer Boelsen: Eddy Merckx, München, ISBN 978-3767900134
Weblingg ändere
Commons: Eddy Merckx – Sammlig vo MultimediadateieNoowiis ändere
- ↑ Lueg Happy Birthday, Eddy (Site cha nüme abgrüeft wärde; Suche im Webarchiv) .
- ↑ Lueg Lance Armstrong: Eddy Merckx ist der König des Radsports
- ↑ Lueg Rider Biographie, Eddy Merckx
- ↑ Lueg Palmarès Memoire du cyclisme.