Eingebettetes System

En iibettets System (au ängl. embedded system) isch e Computer, wo in eme technische Kontext iibunde (iibettet) isch. Drbii het dr Computer äntwäder d Ufgobe, s System, won er din iibettet isch, z stüüre, z regle oder z überwache, oder er isch für e Form vo dr Date- bzw. Signalverarbeitig zueständig, bispilswiis Ver- oder Entschlüssle, Decodiere, Codiere oder Filtere.

D Innereie vom ene ADSL Modem/Router, eme Bispil vom ene iibettet System. Die nummerierte Deil si dr Mikroprozässer (4), RAM (6), und Flashspiicher (7).

Iibetteti Systeme funktioniere – praktisch unsichtbar für e Benutzer – in ere Vilzahl vo Awändigsberiich und Apparät, z. B. in Grät vo dr Medizintechnik, Wöschmaschine, Flugzüüg, Auti, Chüehlschrängg, Fernseher, DVD-Player, SetTopBoxe, Mobiltelefon oder allgemein in Grät vo dr Unterhaltigselektronik. Im Fall vo komplexe Gsamtsystem handlet s sech drbii meistens um e Vernetzig vo vile iibettete System, wo sunst autonom si (z. B. im Auti oder Flugzüüg).

Hüfig wärde iibetteti System speziell an en Ufgobe abasst. Us Chostegründ wehlt me en optimierti, gemischt Hardware-Software-Implementierig. Drbii vereinigt e sonigi Konstruktion die grossi Flexibilität vo Software mit dr Leistigsfähigkeit vo dr Hardware. D Software cha drbii nit nume System sälber stüüre, es cha under Umständ d Interaktion vom Systems mit dr Ussewält über definierti Schnittstelle oder Protokoll (z. B. LIN-Bus, CAN-Bus oder IP über Ethernet) sichere.

Dä Artikel basiert uff ere fräie Übersetzig vu dere Version vum Artikel „Eingebettetes_System“ vu de dütsche Wikipedia. E Liste vu de Autore un Versione isch do z finde.