Emils.Nachrichten.Aktuell

Emils. Nachrichten.Aktuell isch e Videokanal uf YouTube, wu Nochrichte fir Chinder bresäntiert wäre.

Där Videokanal wird gfiert vum Emil Busch vu Ämmedinge. Är isch e Suhn vum Ralf Busch, em Sänger vu dr alemannische Rockband Fisherman's Fall. Aagregt wore isch dr Emil Busch zue däm Kanal dur d Färnsehsändig Logo, ere Nochrichtesändig fir Chinder uf em Chinderfärnsehsänder KiKa.

Am Neijohr 2019 het er, no as Grundschueler, sy erscht Video drillt. S erscht Video uf YouTube isch am 19. Merz 2020 online gange, s isch um aktuälli Nochrichte un Regle zum Coronavirus gange. Im Lauf vu dr Zyt het er Video zue verschidene Theme macht: zum Ötzi, zum Onlineunterricht oder au ne Interview mit em Ämmedinger Oberburgermaischter Stefan Schlatterer. D Video macht er als zäme mit sym Vater. Mittlerwyli het nit nume di Badisch Zytig iber sy Nochrichtekanal gschribe, nai, au d Landesschau vum SWR het e Bydrag iber dr Emil Busch un sy YouTube-Kanal brocht.

Websyte

• Emils. Nachrichten.Aktuell uf YouTube
• Michael Sträter: Dieser Emmendinger Grundschüler hat seinen eigenen Nachrichtenkanal, Badische Zeitung, 20. Mai 2021