Fontenais
Fontenais isch e politeschi Gmeind im Schwiizer Kanton Jura, wo zum Bezirk Pruntrut ghört.
| Fontenais | |
|---|---|
 | |
| Basisdate | |
| Staat: | Schwiiz |
| Kanton: | Jura (JU) |
| Bezirk: | Pruntrut |
| BFS-Nr.: | 6790 |
| Poschtleitzahl: | 2902 Fontenais 2903 Villars-sur-Fontenais 2904 Bressaucourt |
| Koordinate: | 572973 / 250434 |
| Höchi: | 458 m ü. M. |
| Flächi: | 10.48 km² |
| Iiwohner: | 1674 (31. Dezämber 2022)[1] |
| Website: | www.fontenais.ch |
| Charte | |
 | |
Geographii ändere
Fontenais ligt im Elsgau, wo uf französisch Ajoie heisst. Zum Gmeindspiet ghöred d Dörfer Fontenais, Villars-sur-Fontenais und Bressaucourt. Nochbergmeinde sind uf Schwizer Site Haute-Ajoie, Courtedoux, Pruntrut, Courgenay und Clos du Doubs. Über e Col de Montvoie, wo 858 m höch isch, chunnt mer äne am schwiz-französische Zoll uf Montancy im Département Doubs und witer an Doubs abe.
Gschicht ändere
Fontenais isch im 1271i zämme mim gsammte Elsgau in de Bsitz vom Fürschtbistum Basel cho. In de Johr 1793i bis 1815i het d Gmeind zu Frankriich ghört, zerscht zum Département du Mont-Terrible, dann ab em 1800i zum Département Haut-Rhin, em Oberelsass. De Wiener Kongress het im 1815 entschide, dass de Ort mit em ganze Elsgau zu Bärn chunnt. Sit de Gründig vom Kanton Jura uf de 1. Jänner 1979 ghört d Gmeind zu dem Kanton. Sit 2013 ghört au di ehmolig Gmeind Bressaucourt zu Fontenais.
Weblink ändere
Commons: Fontenais – Sammlig vo Multimediadateie- d Website vo de Gmeind Fontenais (franz.)
- Dominique Prongué: Fontenais In: Historisches Lexikon vo dr Schwiiz.
Fuessnote ändere
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
