Gisela Biedermann
D Gisela Biedermann (* 5. April 1948 z Alzey as Gisela Jung) isch e dytsch-liachtaschtaanischi Bolitikeri (VU) un isch vu 2009 bis 2013 Abgoordneti liachtaschtaanische Landdaag gsii. Si isch Fachäärzti fir Inneri Medizin.
Lääbe ändere
D Biedermann isch Doochter vum Gimnasialleerer Fritz Jung un syre Frau Erna Elisabeth, geb. Krebs. Si isch zäme mit der Brieder z Alzey, ere Chraisstadt z Rhyyhesse ufgwachse. Iri Familie isch arg engaschiert gsii in dr Chilche.
Vu 1958 bis 1966 isch si z Alzey uf s Gimnasium gange. Noch em Abitur het si vu 1967 bis 1972 an dr Universiteete Mainz un Fryburg Medizin studiert. Anne 1973 het si dr Dr. med. gmacht un syter 1983 isch si Fachärzti fir Inneri Medizin.
As Ärzti het si ire speetere Mann chännegleert, dr Theoloog Richard Biedermann (1948–1995), wu vu aus Muura gstammt isch, chännegleert, Am 31. Meerz 1978 hän si ghyroote, si isch dodermit au Buurgeri vu Liachtaschtaa woore (vu Schellabärg, syt 2009 vu Vaduz). Si hän zäme drei Chinder, e Doochter un zwee Siin.
Aafangs hän si zäme z Bensheim an dr hessische Bärgstrooß gwoont, anne 1981 sin si uf Liachtaschtaa zooge. Im Joor 1983 het si d Konzession as Ärzti z Liachtaschtaa iberchuu un 1989 het si z Vaduz ire aige Praxis ufgmacht. Vu 1986 bis 2007 isch si Laiteri vu dr Schwangerschaftsberootigsstell (SBS) z Vaduz gsii.
Vu 1983 bis 1989 isch d Biedermann Vorstandsmitgliid vu dr Familiehilf Vaduz gsii un vu 1983 bis 1995 Mitgliid vum Bfarreiroot Vaduz (1987 bis 1995 as Bresidänti). 1991 bis 2007 isch si Stiftigsreeti vu dr Berootigsstell fir Eltere, Chinder un Juugedligi z Vaduz, 1996 bis 2009 vu dr Liachtaschtaanische Alters- un Chrankehilf (LAK) un 2001 bis 2009 vum Kriseninterventionsteam (KIT) gsii. 2000 bis 2008 isch si Bresdänti vu dr Stiftig Liachtaschtaanischi Musikschuel gsii un syt 2008 vum Verain «Freundeskreis Musikschule», 2013 bis 2016 isch si au Bresidänti vu dr Maturakommission vum Liachtaschtaanische Gimnasium gsii. Syter anne 1996 isch si derzue Vorstandsmitgliid vum Verain „Pastorales Forum zur Förderung der Kirchen in Ost(Mittel)Europa, Wien“.
Bi dr Landdaagswaal 2009 isch si fir di Vaterländisch Union in Landdaag vuj Fiirschteduum Liachtaschtaa gweelt woore. Zue dr Landdaagswaal 2013 isch si nimi aadrätte.
Weblink ändere
- Redaktion HLFL: Biedermann, Gisela. In: Historischs Lexikon vom Förschtatum Liachtastaa.
- d Giesela Biedermann (Site cha nüme abgrüeft wärde; Suche im Webarchiv) uf dr Websyte vum Landdaag