Hannelore Gadatsch
D Hannelore Gadatsch (* 1. Mai 1941 z Berlin as Hannelore Rosentreter ; † 11. Merz 2024 z Bade-Bade) isch e dytschi Färnsehschurnalischti un -moderateri gsii.
Lääbe ändere
Noch em Volontariat bim Sender Freies Berlin het si an dr FU Berlin Rächtswissenschafte un Volkswirtschaft studiert.[1] Ab 1963 het d Gadatsch bim Saarländische Rundfunk as Moderateri un freii Reporteri fir Bolitik un Wirtschaft gschafft.
Im Mai 1966 isch si zum Widweschtfunk gwägslet, wu si ab 1977 Redaktzonsmitglid vu Report Baden-Baden gsii isch. Fir e Report-Bydrag iber e ärztlige Chunschtfähler isch d Gadatsch 1978 mit em Dytsche Sozialbryys uuszaichnet wore.[2] Anne 1983 het si dr Mediebryys Entwickligsbolitik fir e Report-Bricht iber d Deeri z Ethiopie iberchuu, 1986 dr nämlig Bryys fir e Bydrag iber Zwangsumsidlige z Ethiopie.[3] 1984 un 1985 het d Gadatsch as zwooti Frau no dr Barbara Dickmann d tagesthemen moderiert, ab 1988 het si Schwärpunktsändige bi 1 Plus moderiert. 1992 isch si Beufdraiti vum SWF fir dr nei grindet Sänder ARTE wore. Fir iri SWF-Dokumentazion Was Menschen Menschen antun – Über die Behandlung von Folteropfern in Berlin und Kopenhagen het d Gadatsch 1994 wider dr Dytsche Sozialbryys iberchuu. 1997 het s togoisch Opposizionsblatt Le Regard brichtet, ass d Gadatsch si vor em Europäische Barlemänt fir d Regierig Eyadema yygsetzt heeb un dodruf dr togoisch Ordre du Mono iberchuu heeb. D Gadatsch het in dr nämlige Zytig rund zwee Monet speter d Antwort gee, ass uusländischi Schurnalischte halt großzigig bhandlet wäre un ire Yysatz vor em Europäische Barlemänt im Inträssi vum togoische Volk gsii sei.[4] 1998 isch si bi dr Intendantewahle bim SFB zäme mit vier andere Mitbewärber gege dr Horst Schättle unerläge.
D Gadatsch isch Mitglid vum Byrot vum „Behandlungszentrums für Folteropfer Berlin“ (bzfo) gsii.[5]
Weblink ändere
- SWR trauert um langjährige Mitarbeiterin Hannelore Gadatsch. 14. März 2024, abgruefen am 14. März 2024.
Fueßnote ändere
- ↑ Zum Auftakt gab es Blümchen. (PDF) In: Hamburger Abendblatt. 9. März 1984, abgruefen am 15. Juni 2023.
- ↑ 50 Jahre Deutscher Sozialpreis. Abgruefen am 15. Juni 2023 (Blatt 3; 1971–1991).
- ↑ Gewinner Medienpreis Entwicklungspolitik
- ↑ Wahlkampf à la Togo. In: Der Schlepper, 12/1997 (PDF; 570 kB).
- ↑ Beirat des Behandlungszentrums für Folteropfer (Memento vom 11. Septämber 2011 im Internet Archive)
|
Dä Artikel basiert uff ere fräie Übersetzig vu dere Version vum Artikel „Hannelore_Gadatsch“ vu de dütsche Wikipedia. E Liste vu de Autore un Versione isch do z finde. |