Wikipedia:Zämmefassig un Quälle

Unter em Chaschte zum Syte bearbeite git no ne Yygabefäld fir d Zämefassig: :

In däm Fäld sott mer churz bschrybe, was mer an däm Artikel oder an däre Syte gänderet het.

D Zämmefassig wird in dr Lischt vu dr Letschte Änderige un dr Versionsgschicht vum Artikel aazeigt.

An ere guete Zämmefassig chenne d Fäldhieter uusmache, ass e Änderig nit muess iberprieft wäre. Uf dr andere Syte cha s s Inträssi vu andere Benutzer gweckt wäre. Wänn mer nume wenig Tekscht yyfiegt, cha mer dää au in s Fäld yyekopiere, wänn mer e Tippfähler verbesseret, längt e churz „typo“. Obacht: die Zämmefassig losst sich nimi ändere, wänn si emol abgspycheret isch!

Schryb zue Dyynere Änderig alliwyl e Zämmefassig dezue! Au e schlächti Zämmefassig isch besser wie gar keini.

Die Abchirzige sin gängig fir s Zämmefassigs-Fäld:

Abkürzung Bedeutung
typo, tippo E Tippfähler oder Rächtschrybfähler isch verbesseret wore.
korr E Fähler isch verbesseret wore
erw, erg Dr Artikel isch erwyteret bzw. ergänzt wore.
wikilinks, links Link yygfiegt
link korr, linkfix E Link isch korrigiert wore.
wiki, wikify, wikifiziert Dr Tekscht isch mit Wiki-Formatierigsbefähl uuszeichnet wore (Fett- un Kursivschrybig, Verlinkig, Lischte un Iberschrifte)
formatiert, form D Formatierig isch gänderet wore.
überarbeitet, üb, ü allgmein iberarbeitet
stil stilistischi Verbesserige
#REDIRECT [[anderi Syte]], redir D Syte wytergleitet no [[anderi Syte]]
[[andere Artikel]] E Teil vum Artikel isch no [[andere Artikel]] uusglageret wore
aus [[anderer Artikel]] Ein Teil des Artikels wurde aus [[anderer Artikel]] eingefügt
en:, fr:, pl: usw.; interwiki Link uf anderschsprochigi Wikipedie sin yygfiegt wore.
reverted, rv, rev, widerhärgstellt Artikel isch us ere alte Version widerhärgstellt wore
lueg Diskussion, vgl. Diskussion Informatione zue dr Änderig het s uf dr Diskussionssyte zum Artikel.
stub, Stumpe Dr Artikel isch as Stumpe gchännzeichnet wore (dur yyfiege vu {{Stub}})
kat Dr Artikel isch in e Kategorii yyteilt wore oder d Kategorii isch gänderet wore.
Begriffsklärung, bkl, bk lueg Begriffsklärig
bot-unterstützte ... automatisierti Änderig dur e Bot, lueg Wikipedia:Bots
aktuell, aktualisiert, akt Dr Tekschtinhalt uf dr nejscht Stand bringe.
bild, bp Bild (yygfiegt), Bildposition gänderet
/* xxx */ Kommentar oder Bearbeitig vum Abschnitt xxx (wird automatisch dur e Gleich (Link) zue dr Iberschrift xxx ersetzt)

Uf däne Wikipedia-Syte erschynt d Zämmefassig:

Dr Tekscht in dr Zämmefassig wird nit vu Suechmaschine indiziert, ùn mer cha au in dr Wikipedia nit mit ere Suechfunktion no Tekscht in ere Zämmefassig sueche.

Chleine Änderig (K) ändere

Wänn mer nume ne chleini Änderig macht, cha mer e Hekli setze bi „Numen es birebitzeli gänderet“. S isch nit feschtgleit, was as „chleini Änderig“ markiert wird. Di meischgte Wikipedianer bruche s, wänn si Rächtschrybfähler verbessere (typo) oder chlaini Formatierigsänderige mache.

S Hekli fir chleini Änderige cha nume vu aagmäldete Benutzer gsetzt wäre.

Quällenaagabe ändere

Lueg au Wikipedia:Quällenaagabe.

E wichtige Punkt in dr Wikipedia isch, ass mer cha ruckverfolge, wu d Information här chemme. D "Versione/Autore"-Syte zue jedem Artikel dient derzue noozwyse, ass die Tekscht wirkli vu Wikipedia-Autore stamme. Sunscht bstoht d Gfohr, ass d Wikipedia urheberrächtligi Probläm iberchunnt, wänn s Tekscht din het, wu nit frej sin. Um schlimmschte Fall derno d Wikipedia gsperrt oder gar zuegmacht wäre.

D Aagab vu Quälle dient au derzue, ass e andere Nutzer Dyni Änderige cha noovollzieh. Uf die Art chenne iberflissigi Reverts (Zrucksetzige) un Leschaaträg verringeret wäre.

Bsundersch bim Verschiebe vu Tekscht us Wikipedia-Artikel in e neje Artikel muess mer des in dr Zämmefassig hiischrybe. E Hiiwys wie verschobe no [[nej]] oder vu [[alt]] längt scho.



Versione Handbuech Iberschrifte un Inhaltsverzeichnis