D Ilse Künkele – mit-em ganza Nama hot se nôch ihrer Heirat „Ilse Rabanus-Künkele“ ghoißa – (uf d Welt komma am 25. April1925 z Stuegert, wo se am 24. April1992 au gschdorba ischt) isch a deitscha Theater- ond Filmschauschbiilere gwäa, wo oft Rolla em schwäbischa Dialekt gschbiilt hot.
Em Johr 1943 hot d Ilse Künkele, se isch grad amôl 18 Johr alt gwäa, am Wirdabergischa Staatstheater en Stuegert a Ausbildong zor Schauschbiilere ôôgfanga. Scho em Johr druf bis 1950 hot se deet zom feschda Ensemble gheert. Dô drnôch isch se zom Deitscha Theater Geddenga ganga, wo se bis 1958 gschbiilt hot. En dui Zeit fellt au dr Start vo ihrer Filmkarriäär. Ihr erschda Roll hot se 1952 em Rolf Thiele seim Stroifa Der Tag vor der Hochzeit kriagt.[1] Vo 1959 bis 1962 isch d Ilse Künkele Mitgliad vo dr Kinschtlertrubb vom Boirischa Staatsschauschbiil gwäa. Wia se deet ufgheert hot, hot se sich an koi bestemmda Bihne meh bonda.
Au wenn d Ilse Künkele als glernda Schauschbiilere perfekt Hochdeitsch kenna hot, hot se dô driiber et ihrn schwäbischa Dialekt vorlernt. Drom ischt se em Lauf dr Zeit – hauptsächlich vom dômôliga Siddeitscha Rondfonk – emmr efders en Seria eigsetzt worra, wo em Schwôbalendle gschbiilt hend ond wo viil Dialekt gschwätzt worra ischt, so zom Beischbiil 1963 en de Schwäbische Geschichten, 1982 ond 1986 en Der Eugen ond 1988 en Oh Gott, Herr Pfarrer.
D Film ond Fernsehseria, wo se dren mitgschbiilt hotändere
1952: Der Tag vor der Hochzeit
1955: Ingrid – Die Geschichte eines Fotomodells
1955: Mamitschka
1955: Reifende Jugend
1955: Banditen der Autobahn
1957: Der tolle Bomberg
1957: El Hakim
1959: Der Kirschgarten (A Fernsehschbiil nôch-em gleichnamiga Theaterstick vom Anton Tschechow)
1963: Schule der Geläufigkeit (Fernsehschbiil)
1963: Schwäbische Geschichten (A Fernsehserie om-an schlitzohriga schwäbischa Schultes mit-em Willy Reichert en dr Hauptroll)
1965: Der Brief (A Episode us dr Fernsehserie Das Kriminalmuseum)
1965: Tivoli (A Episode us dr Fernsehserie Die fünfte Kolonne)
Dä Artikel basiert uff ere fräie Übersetzig vu dere Version vum Artikel „Ilse_Künkele“ vu de dütsche Wikipedia. E Liste vu de Autore un Versione isch do z finde.