Jakob Klaesi
Dr Jakob Klaesi (* 29. Mei 1883 z Luchsige; † 17. August 1980 z Knonau) isch e Schwiizer Psychiater gsi, wo wäg sire Schlafkur bekannt isch.
Dr Klaesi het d Brivatklinik im Schloss Knonau (im Südweschde vom Kantoon Züri) gründet u gleited. 1933 isch er Diräkder vor Psychiatrische Universitätsklinik Waldau z Bärn worde, u de usserordentleche Brofässer für Psychiatrii ar Uni Bärn. Vo 1936 bis 1953 isch er Klinikdiräkder u ordentleche Brofässer für Psychiatrii ar Uni Bärn gsi. U i de Jaar 1950 u 1951 isch er Räkder vor Uni gsii.[1]
Dr Klaesi isch somaatische Behandligsmetode gägenüber skepdisch gsii, obwohl er öppe 1920 di psychiatrischi Schlaafkur mid em Medikamänt Somnifen entwickled het. Dr Klaesi isch vor allem Psychoterapeut gsii u isch indressiert gsii ar Psychodynamik vo sine Baziänte. Wäg sire Erfaarige hed er aagfange, e phänomenologische Analyse vor Exbrässioon z entwickle.[2]
Dr Klaesi hed churzi Gedichd u Dramene verfassd; dorum hed me ne o Dichderarzt gnennt.
Literatuur ändere
- Manfred Bleuler: Jakob Klaesi in der endokrinologischen Psychiatrie. Us dr Psychiatrische Uniklinik Burghölzli, Zürich. Ziitschrifd Mschr. Psychiat. Neurol., 1953, Nr. 125. S. 310-319.
- Prof. Jakob Klaesi zum 75. Geburtstag. Ziitschrifd Psychiat. Neurol., 1958. Nr.135. S. 209.
- Professor Dr. Dr. h.c. Jakob Klaesi zum 80. Geburtstag. Ziitschrifd Psychiat. Neurol., 1963, Nr. 145, S.321.
Weblink ändere
- Christian Müller: Kläsi [Klaesi], Jakob. In: Historisches Lexikon vo dr Schwiiz.
Kwälle ändere
- ↑ Räkdoore vor Uni Bärn
- ↑ T. Haenel. Jakob Klaesi zum 120. Geburtstag. Ziitschrifd Der Nervenarzt, Band 74, Nr. 5. Berlin/Heidelberg: Springer, 2003. S. 471-475. Zämefassig. (Site cha nüme abgrüeft wärde; Suche im Webarchiv) I däm Artikel wärde d «Unterschiid u Parallele zum Alfred Adler u zum Karl Jaspers» diskutiert.
|
Dä Artikel basiert uff ere fräie Übersetzig vum Artikel „Jakob_Klaesi“ vu de dütsche Wikipedia. E Liste vu de Autore un Versione isch do z finde. |