Jefferson Davis

Dä Artikel tuet sich mit em Präsident vo de Konföderierte Staate vo Amerika beschäftige, für wiiteri gliichluutendi Bedütige chamer do go luege: Jefferson Davis (Begriffsklärung)

Jefferson Finis Davis isch am (* 3. Juni 1808 in Fairview uf d'Wält choo, Kentucky; und isch gschtorbe am † 6. Dezember 1889 in New Orleans, Louisiana). Er isch en amerikanische Politiker gsi, wo vo 1861 bis 1865 de einzigi Präsident vo de Konföderierte Staate vo Amerika und demit de Aafüerer vo de Südstaate im Sezessionschrieg.

Signatur

Läbe ändere

Dä Davis hat vo 1824 bis 1828 a de United States Military Academy in West Point studiert und isch schpöter en Offizier vo de US-Armee gsi und het im Mittleren Weste gschaffet. Dete het er sini erschte Champferfahrige chönne sammle. Am 17. Juni 1835 het er Sarah Knox Taylor ghüüroote, e Tochter vom spötere US-Präsident Zachary Taylor, und drufabe het er de Dienscht verloo. Sini Frau isch aber schoo drü Mönet nachethär a Malaria gschtorbe, das isch am 15. September 1835 gsi. Zwüschedure isch er en nüü gwählte Parlamentarier im US-Repräsentantenhaus gsi, won er zue de Demokratische Partii ghört het. 10 Joor spöter het er am 26. Februar 1845 sini zweit Frau ghüüroote, nämli die 18 Joor jüngeri Varina Banks Howell. Zämme mit ihre het er sächs Chind gha.

Im Joor 1846 het er sin Sitz im Repräsentantehuus uufghä, demit er im Mexikanisch-Amerikanische Chrieg wieder het chönne als Offizier diene. Debi het er a einige Schlachte teilgnoo, au a de Schlacht vo Monterrey isch er beteiligt gsi. Dete isch er zum Oberscht (Colonel) ufeghoobe worde. Won er e Wunde kassiert het, hends ihm en Poste vomne Brigadegeneral welle zuehebe, er aber het de Vorschlag usgschlage, wil numme d'Staate hetid s'Rächt, Milize z'bilde, nöd d'Union.

Er het 1847 en friie Sitz im US-Senat chöne übernäh, 1851 isch er wiedergwählt worde (vom Parlament vo Mississippi, d'diräkti Wahl vo de Senatore isch dänn nonig gebrüchlich gsi.) Numme paar Mönet spöter het er sin Senatssitz abgäh und het als Gouveneur vo Mississippi kandidiärt, er isch aber nöd erfolgriich gsi. Drufabe het er d'Kandidatur vom Franklin Pierce unterstützt, will de Pierce het welle Präsident wärde. De Pierce isch Präsident worde und het em Davis s'Amt vomne Chriegsminister gä. Er het diä Arbet bis 1857 usgfüehrt, und isch dänn in Senat gwählt worde.

Sezession ändere

Er isch en gmässigte Südstaate-Nationalist gsi und het sich am Aafang gäge e Sezession gwehrt und isch z'erscht für e Stärchig vo de Rächt vo de Einzelstaate innerhalb de Union gsi. Wo de Abraham Lincoln zum 16. Präsident vo de Vereinigte Staate vo Amerika gwählt worde isch und de Sezession vo South Carolina het er am 21. Jänner 1861 de Uustritt vo Mississippi gä und isch us em Senat uusgschtige.

Es het noo füf wiiteri Abspaltige vo Südstaate vo de Union gä, drum isch er am 9. Februar 1861 vom provisorische Konföderiertekongräss zum provisorische Präsident gwählt worde und am 18. Februar 1861 im Staatshuus vo Alabama z'Montgomery als erschte und einzig Präsident vo de Konföderierte Staate vo Amerika vereidigt. S'Volch het am 6. November 1861 d'Wahl bestätigt (Amtsaatritt: 22. Februar 1862). Wil d' Konföderiertnarmee im Amerikanische Bürgerchrieg verlore het, het de Davis sini sächsjöörigi Amtsziit nöd chöne fertig regierä.

Er het plant gha, is Usland z'goo, um dete e Exilregierig z'bilde. Debi isch de Davis zämme mit sinere Familie und wiitere Lüüt am 10. Mai 1865 i de nöchi vo Irvinville, Georgia, vo de Unionstruppe gfange worde. Er isch am am 24. Mai 1865 wäge Verroot agklagt worde und isch bisch am 14. Mai 1867 in Untersuechigshaft bliibe z'Fort Monroe, Virginia, dänn het er e Kaution zahlt und isch dänn friichoo. S'Verfahre isch 1869 iigstellt worde.

Literatur ändere

William C. Davis: Jefferson Davis. The Man and His Hour. A Biography. HarperCollins, New York NY 1991, ISBN 0-06-016706-8.
Martin Öfele: Jefferson Davis. Ein Leben für die Überzeugung. Verlag für Amerikanistik, Wyk auf Föhr 1995, ISBN 3-89510-025-0.
Volker C. Ihle: Karlsruhe und die USA. Warum jeder (Amerikaner) diese Region kennen sollte. = Karlsruhe and the USA. 2. Auflage. Info-Verlage, Karlsruhe 2011, ISBN 978-3-88190-323-3 (Kapitel: Präsidententochter mit Karlsruher Akzent).

Weblink ändere

Commons: Jefferson Davis – Sammlig vo Multimediadateie

Jefferson Davis im Biographical Directory of the United States Congress
Jefferson Davis: Son of the South
Offizielli Siite vom wieder nüü erbuute Huus Beauvoir z'Biloxi (ängl.)

Dä Artikel basiert uff ere fräie Übersetzig vu dere Version vum Artikel „Jefferson_Davis“ vu de dütsche Wikipedia. E Liste vu de Autore un Versione isch do z finde.