Kaddisch

Dr Kaddisch (aramäisch: häilig bzw. Häiligung) isch äins vo de wichdigste Gebät im Juudedum. Es isch e Häiligungsgebät und het sich in de noochchristlige Joorhundert uusebildet. S ursprünglige Gebät isch erwiiteret worde und si liturgischi Gebruuch het sich im Lauf vo de Joorhundert veränderet. Die eltiste Rezensione, wo mä no cha finde, si Geniza-Fragmänt, wo mä käim bestimmte Wärk cha zueordne. E Versioon vom Gebät im ene Siddur vom Amram Gaon (um 900) basiert uf ere aschkenasische Rezensioon, wo käinere vo de eltere Fassige entspricht. Im Geegesatz zu fast alle andere jüüdische Gebät isch si Sprooch nit nume Hebräisch, sondern au Aramäisch.

Wenn dr Kaddisch rezitiert wird ändere

Es git sonigi wo sääge, ass dr Kaddisch zäämol am Daag sött gsäit wärde. Au bi de Daagesgebät het er si Blatz und im Gottesdienst, won er d Übergäng zwüsche de wichdigste Abschnitt markiert. Mä säit en au uf mit chliine Ändrige zum Gedänke an Verstorbeni und am Graab. Wenn öbber in dr ängere Familie stirbt, säit en dr nöggst männlig Verwandti elf Mönet lang jede Daag uf. Am Jooresdaag vom Doodesfall säit män en denn no äinisch und das isch s Ändi vo dere Form vo dr ritualisierte Druur.

Dr Kaddisch und s Vaterunser ändere

Die wichdigste Gedanke vom Kaddisch findet mä au im Vaterunser, wo vo dr chtistlige Dradizioon im Jesus vo Nazareth zuegschriibe wird.

Liddratuur ändere

David De Sola Pool: The Old Aramaic Prayer - The Kaddish. Rudolf Haupt, Leipzig 1909.
Andreas Lehnardt: Qaddish. Untersuchungen zur Entstehung und Rezeption eines rabbinischen Gebetes. Mohr Siebeck, Tübingen 2002. ISBN 3161477235
Andreas Lehnardt: Die Geschichte des Kaddisch-Gebets. In: W. Homolka (Hrsg.): Liturgie als Theologie. Frank & Timme, Berlin 2005, S.30-46. ISBN 9783865960085
Andreas Lehnardt: Die Qaddish yitkele harba-Versionen und ihr Verhältnis zum biblischen Text. in: A. Kuyt / G. Necker (Hrsg.): Orient als Grenzbereich?, Harrasowitz, Wiesbaden 2007, S. 51-65. ISBN 978-3-447-05478-2
Israel Ta-Shema: Some Notes on the Origins of the Kaddish. In: Tarbiz 53 (1984/85), 559-568. ISSN 0334-3650
Leon Wieseltier: Kaddisch. Hanser, München 2000. ISBN 3446199446 (Rezension)

Weblingg ändere

Dä Artikel basiert uff ere fräie Übersetzig vum Artikel „Kaddisch“ vu de dütsche Wikipedia. E Liste vu de Autore un Versione isch do z finde.