Mensenger Verdrag

Dialäkt: Undermarkgreflerisch

Dur dr Mensenger Verdrag vum 14. Dezämber 1482 isch d Grofschaft Wirttebärg widervereinigt wore, wu zyter em Nirtenger Verdrag vu 1442 in zwe Deil ufdeilt gsi isch. D Erbstrytigkeite zwischen em Uracher un em Stuegerter Deil sin no 40 Johr byygleit wore. Dr Grof Eberhard V. im Bart, ab 1495 Herzog Eberhard I., wu z Urach residiert isch, het d Regierig vum Land ibernuu un d Residänz uf Stuegert verleit, dr Hauptstadt vum andre Landesdeil. D Erbfolg isch uf dr amtierend Grof im Stuegerter Landesdeil Eberhard VI. feschtgleit wore. Mit em Verdrag, wu unter Bedeiligung vu dr Verdrätter vu dr wittebärgische Landständ, dr sognännte Ehrbarkeit uusghandlet woren isch, sin d Uudeilbarkeit vum Land un d Primogenitur (s Erschtgeburtsrächt) z Wirttebärg rächtsverbindlig feschtgleit wore. Dr Mensenger Verdrag het verhinderet, ass Wirttebärg in all meh Chleistaat usenander ghejt isch un het eso e wichtigi Voruussetzig gschaffe fir d Hebig vu Wirttebärg zum Herzogtum im Johr 1495.

Glasfänschter im Alte Rothuus z Mensenge

Erschti Syte vum Mensenger Verdrag im Hauptstaatsarchiv Stuegert

D Originalurkund vum Verdrag wird hite im Hauptstaatsarchiv Stuegert verwahrt.

Uusschnitt

Uf em Deckblatt vum Verdrag heisst s:

Münsingischer

Vertrag zwischen graf Eberhart zu Wirtemberg

dem eltern unnd graf Eberhart dem jüngern,

als sie ier bayder land unnd leuth in ain regiment

unnd wesen zusammen geworfen

Rta

parte 2

tittulo 2

mem 17

Zu Münsingen sambstag nach Lucie

anno 1482

Weblink

• Mensenger Verdrag (Site cha nüme abgrüeft wärde; Suche im Webarchiv)[1] [2] Vorlage:Toter Link/www2.landesarchiv-bw.de, Texttranskription im Hauptstaatsarchiv Stuegert

Dä Artikel basiert uff ere fräie Übersetzig vum Artikel „Münsinger_Vertrag“ vu de dütsche Wikipedia. E Liste vu de Autore un Versione isch do z finde.