Matorischi Sproch
| Dialäkt: Undermarkgreflerisch |
| Matorisch | ||
|---|---|---|
| Verbreitig: | Russland | |
| Sprecher: | uusgstorbe | |
| Linguistischi Klassifikation: |
| |
| Sproochchürzel | ||
| ISO 639-1 |
- | |
| ISO 639-2 |
mis | |
| ISO 639-3 |
mtm | |
D Matorisch Sproch, au Motorisch, isch aini vu dr samojedische Sproche. Die bilde zämme mit dr finno-ugrische Sproche di uralisch Sprochfamilie.
Matorisch isch in dr nerdlige Region vum Sajangebirg z Sibirie in dr Nechi vu dr mongolische Gränze gschwätzt wore. D Sprächer hän im große Biet vu dr Region Minussinsk am Jenissei lang bis zum Baikalsee gläbt.
Was mer hite iber die Sproch waißt, stammt vu russische un dytsche Sprochwisseschaftler, wu im 18. un 19. Johrhundert in dr Region chuu sin. Matorisch ghert wie Selkupisch un s uusgstorbe Kamassisch zue dr Gruppe vu dr sidsamojedische Sproche. As Dialäkt vum Matorisch wäre Mator, Taiga un Karagass gnännt, wu vun e Dail Wisseschaftler au as aigeni Sproche aagsääne wäre. D Sproch isch im e änge Kontakt gstande zue dr Turksproche un zue dr mongolische Sproche in dr Region.
Matorisch isch in dr 1840er Johren uusgstorbe. D Sprächer sin vor allem in dr Altaisproche ufgange, vor allem im Chakassisch un Tuwinisch.
Literatur ändere
- Eugene Helimski: Die Matorische Sprache: Wörterbuch – Grundzüge der Grammatik – Sprachgeschichte. Szeged 1998.
Weblink ändere
- Matorisch uf ethnologue.com
- Wortverzeichnis Matorisch-Englisch im Internet Archive
|
Dä Artikel basiert uff ere fräie Übersetzig vum Artikel „Matorische_Sprache“ vu de dütsche Wikipedia. E Liste vu de Autore un Versione isch do z finde. |