Nesslau SG
| S SG im Lemma isch s offiziell Chürzel vom Kanton Sanggalle und wird bruucht, zum Verwächslige mit Yträäg vom Name Nesslau vermyde, wo öppis anders meined. |
Nesslau isch e politeschi Gmaind im Waalchrais Toggeborg vom Kanton Sangalle i de Schwiz.
| Nesslau | |
|---|---|
 | |
| Basisdate | |
| Staat: | Schwiiz |
| Kanton: | St. Galle (SG) |
| Wahlchrais: | Toggeborg |
| BFS-Nr.: | 3360 |
| Poschtleitzahl: | 9643 Krummenau 9650 Dicken (Nesslau) 9650 Nesslau 9651 Ennetbühl 9651 Rietbad 9652 Neu St. Johann 9655 Stein SG |
| UN/LOCODE: | CH NES (Nesslau) |
| Koordinate: | 733391 / 231949 |
| Höchi: | 759 m ü. M. |
| Flächi: | 98,87 km² |
| Iiwohner: | 3733 (31. Dezämber 2022)[1] |
| Website: | www.nesslau.ch |
 S Dorf Nesslau | |
| Charte | |
 | |
Gschicht ändere
S Dorf Nesslau isch bis Endi 2004 e sälbständigi Gmaind gsi und hät uf Aafang 2005 mit de Gmaind Chrummenau zu de politische Gmaind Nesslau-Chrummenau fusioniert. Am 1. Januar 2013 isch dänn no d Gmaind Stei dezue cho. Di nöi Gmaind, wo wider Nesslau haisst, isch dur di betroffne Gmaindsversammlige bschlosse und vom Kanton Sangalle und vom Bund gnemiget worde.[2]
Geografii ändere
D Gmaind Nesslau lit im Toggeborg und werd vo de Thur dorflosse. Nochbergmainde sind: Ebnat-Kappel, Hemberg, Urnäsch, Hondwil, Wildhuus-Alt Santihann, Amde und trifft uf em Speer obe spitzig uf d Gmeind Schänis.
Ortstail ändere
Wäme vo Wattwil de Thur no doruf fahrt chonnt zerscht Chrummenau, wo s en Bahof und en Schiilift i d Wolzealp ufi git.
Dänn chonnt Nöi Sankt Johann, wo s Johanneum isch, e Heim ime ehemolige Chloster. I däm Dorf zwigt d Strooss nordwärts i d Schwägalp ufi ab. A däre Strecki liit Ennetbüel und de Wiiler Rietbaad.
Praktisch zämmegwachse mit Nöi Sankt Johann isch s Dorf Nesslau, wo de Sackbahof vo de Südostbahn isch und d Postauto i verschideni Richtige Aaschlüss gwärleistid. Dicke isch de östlichscht Teil vom Sidligsgebiet Nesslau-Nöi Sankt Johann.
De Thur no doruf i Richtig Wildhuus chunnt dänn no s Dorf Stai, wo 1947 en groosse Brand gwüeted hät.
Gschicht ändere
Öber d Gschicht vo de Dörfer, wo zum Gebiet vo de politische Gmeind Nesslau ghöred, isch im Artikel Nesslau-Chrummenau öpe näbis gschrebe worde.
Lüt ändere
- Seth Abderhalden (1926–1960), en Bärgstiiger und Extremchlätterer
- Jörg Abderhalden (* 1979), en dreifache Schwingerkönig
- Herbert Cerutti (* 1943), en Journalischt, Schriftsteller und freischaffende Publizischt
- Simone Kuhn (* 1980), e Beachvolleyballspileri
Bilder ändere
-
s Dorf Chrummenau -
d Chlostercherche z Nöi Sankt Johann -
di reformiert Cherche vo Nesslau -
d Ennätbüeler Cherche -
s Dorf Stai
Weblink ändere
Commons: Nesslau – Sammlig vo Multimediadateie- d Website vo de politische Gmaind Nesslau
- d Website vo de Schuelgmeind Nesslau
- Hans Büchler: Krummenau. In: Historisches Lexikon vo dr Schwiiz.
- Hans Büchler: Nesslau. In: Historisches Lexikon vo dr Schwiiz.
- Hans Büchler: Stein (SG). In: Historisches Lexikon vo dr Schwiiz.
Fuessnoote ändere
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Gemeindenamensänderung im Gebietsstand des Kantons St. Gallen: Gemeinde Nesslau (Memento vom 19. Septämber 2016 im Internet Archive) uf admin.ch
