Eschetaal
S Eschetaal, wo me wäge n em yhäimische historische Name au Ossolataal nännt, isch es Taal uf dr Südsyte vo den Alpe im Piemont.
dr Name ändere
Uf Iteliänisch heisst das Taal Val d’Ossola. Dr ursprünglech Name isch s erschte Mol am Afang vom erschte vorchristleche Joorhundert i de Schrifte vom Claudius Ptolemäus erwäänt, wo vo Oskela Lepontíōn schrybt, was uf Düütsch bedüütet: «Oskela vo de Leponzier»; Oskela, s hüttige Domodossola, isch d Hauptstadt vo däm alte Volch gsi.[1][2]
Die verschidene Abschnidd vom Taal sind z’oberscht s Pomatt (uf iteliänisch: Valle Formazza), bis hüt e düütschssproochegi Walsergmeind, s Valle Antigorio bi Domodossola und dr underscht Deil vom Val d’Ossola.
Geografy ändere
Das Alpetaal lyt in dr Provinz Verbano-Cusio-Ossola. S Taal z’durabb flüsst d Ryss, wo bi Domodossola und bim alte Walserdorf Urnafaasch verby chunt und bi Verbania in Langesee mündet.
Gschicht ändere
Sid em 13. Joorhundert sind im Eschetaal Dörfer vo de Walser:
- Pumatt
- Saley
- Ager
- Opsu ( bi Baceno)
- Urnafaasch
- Migiandone, e Ortsdeil vo Urnafaasch
Im 15. und no einisch im früene 16. Joorhundert hend d Walliser und d Äidgnosse s Eschetaal jewyle für churzi Zyt eroberet und beherrscht. Nach dr Schlacht bi Marignano ane 1515 isch ene das Gebiet wider wägggnoo worde.
Weblink ändere
- Walsersidlige im Pomatt
- Enrico Rizzi: Ossola, Val d'. In: Historisches Lexikon vo dr Schwiiz.
Fuessnoote ändere
- ↑ Bim Claudius Ptolemäus uf griechisch: Ἑν ταῖς Κοττίαις Ἅλπεσιν Ληποντίων Ὄσκελ(λ)α; uf Düütsch: Oskella vo de Leponzier i de Kottische Alpe.
- ↑ Vincenzo De-Vit: La Provincia Romana dell'Ossola. Domodossola 1979
Koordinate: 46° 3′ N, 8° 16′ O