Ostberlin
Ostberlin isch vu 1949-1990 d'Hauptstadt vu dr DDR gsi un het im sowjetische Sektor vu Berlin entsproche.
| Basisdaate | ||
|---|---|---|
| Verwaltigssitz: | Ost-Berlin | |
| Faane: | .svg)
| |
| Wabbe: | .svg) | |
| Flechi: | 403 km²[1] | |
| Iiwooner: | 1.297.212 Stand: 1989[1] | |
| Autizäiche: | I | |
| Charte | ||
| ||
In Ostberlin lit au dr Bezirk Berlin Mitte, wo die meiste Berliner Amtssitze vu dr dytsche Regierig liige (die andere Amtssitze sin nooch wie vor z'Bonn.)
Zue DDR-Zitte isch Berlin (Ost) mit sine domols circa 1,4 Millione Iwohner s'Hätschelkind vu dr DDR-Regierig gsi, mit dr entsprechende Priviligie. Dorum het au dr Spruch gä: "In Berlin gibt es Bananen und Apfelsinen"; uf allemannisch: "Z'Berlin töis Banana und Oranscha gä".
Während s'Stadtzentrum Berlin Mitte sich inzwische zu eme internationale Ushängeschild vu Dytschland museret, sin die ehemols priviligierte Plattebausidlige in dr Ussebezirke verarmt un dur e hochi Arberslosigkeit zeichnet.
Ostberlin isch noch immer e Hochburg vu dr dytsche Linkspartei, wo ihri Wurzle in dr ehemolige DDR-Staatspartei SED het.
Namme ändere
Dr offiziell Namme vu Ostberlin in dr DDR isch - natürlich - Berlin, Hauptstadt der DDR gsi. Dementsprechend het mer in dr DDR zwische Berlin un Westberlin (fer die drei Westsektore vu dr Franzose, Brite un Amerikaner) underschide, wogege mer in Westberlin un in dr alde Bundesrepublik Dytschland zwische Berlin (West) un Ostberlin underschide het.