Peter Steiner
De Peter „Cool Man“ Steiner (* 22. Januar 1917 z Walestadt, Kanton Sanggalle; † 12. November 2007 au dört) isch en Schwiizer gsi, wo i de 90er Jahr als musikalische Werbeträger unter em Name „Cool Man“ Berüemtheit erlangt het, i bereits fortgschrittnem Alter und mit sim Bart als Markezeiche. Sini erschte Singel "It's cool man" und "Geierwally" händ sich über 1 Million Mal verchauft, de Steiner het i de Schwiiz und z Dütschland je en goldnigi CD iigschpillt.
Läbe ändere
De Steiner isch Vatter vo 10 Chind und Grossvatter vo 9 Änkel gsi. Sini Chind heissed Mario, Bernadetta, Arno, Andrin, Urs (de Dirigent vom Symphonieorchester „Sinfonietta“ z San Francisco), Rea, Rita, Irene, Silvio und Patrik. Sini Frau Katharina isch au sini Manageri gsi. Sis gröschte Hobby isch ds Bsueche vo Viehusschtellige gsi.
De Steiner hed Färnsehwerbig für „Milka“-Schoggi gmacht. I däre Werbig isch är de „Cool Man“ gsi. Dezue isch under de Interpretebezeichnig „XXL feat. Peter 'Cool Man' Steiner“ d Singel „It’s Cool Man“ erschine.
Ds Lied hed aagfange mit em Steiner sim Spruch „Ah - ein Stadtmensch .... / Sie glauben wohl auch, dass wir hier Oben etwas altmodisch sind .... / Aber Vorsicht: It’s cool man!“. De Teil "It's cool man!" isch während em Lied immer wider widerholt worde.
De Steiner het Autogrammschtunde gäh und d Schweizer Illustrierte het ihm en Reportage gwidmet. Wo är im Jahr 2007 si 90. Geburtstag gfiiret het, händ ihm de UNO-Sonderbotschafter Adolf Ogi und de Ex-Boxer Stefan Angehrn gratuliert. Früener het de Steiner z San Bernardino-Villaggio gwohnt. Gstorbe isch är z Walenstadt SG.
Singel ändere
- Geierwally (mit „XXL“)
- It’s Cool Man (mit „XXL“)
- „Sie Will Nur Mich“, 1999, Ewoton
- "Oh You Fröhliche"
- "Von den Bergen tönt es so"
- «Nur ein Kuss»
Album ändere
- "Ah - ein Stadtmensch"