Pigo
| Pigo | ||||||||||||
|---|---|---|---|---|---|---|---|---|---|---|---|---|
Rutilus pigus ssp. virgo | ||||||||||||
| Systematik | ||||||||||||
| ||||||||||||
| Wüsseschaftlige Name | ||||||||||||
| Rutilus pigus | ||||||||||||
| Lacépède, 1803 |
De Pigo (Rutilus pigus) isch e Süesswasserfisch, wo z Norditalie endemisch isch und au im Tessin vorchunnt. Wege de Raubfischerai ghört de Pigo zo de gföördete Fisch. D Unterart Frauennerfling (Rutilus pigus ssp. virgo (Heckel, 1852)), wo i de obere Donau vorchunnt, werd mengisch als en aigeni Art bitrachtet und denn Rutilus virgo gnennt.
Uussie ändere
De Pigo isch e längliche bronzefarbige Fisch mit ere brüüliche Obersiite, wo 20 bis 45 cm lang werd. D Buuch- und d Schwanzflosse sind röötlich. Sini Auge sind silberig.
Verbraitig ändere
De Pigo isch im Iizugspiet vom Po endemisch. Er mag tüüffi Flüss mit ere mässige Ströömig, wi de Po, de Tessin, de Etsch oder d Brenta, und läbt döt bis uf e Höchi vo 300 m. Er chunnt au i tüüffe Seeje vor, so im Langesee, im Luganersee und im Comersee.
Lebeswiis ändere
De Pigo lebt i chliine Schwärm und fresst Alge und Wirbelloosi. D Laichzitt goot vom April bis in Juni und de Pigo wanderet denn zo flächere Flusstele.
Literatur ändere
- Roland Gerstmeier, Thomas Romig: Die Süßwasserfische Europas für Naturfreunde und Angler. 2. Auflage. Franckh-Kosmos, Stuttgart 2003, ISBN 3-440-09483-9.
- Joseph S. Nelson: Fishes of the World. 4. Auflage. Wiley, Hoboken 2006, ISBN 978-0-471-25031-9.
Weblink ändere
- Pigo uf Fishbase.org (englisch)
- Churzbschriibig bim Bayerische Landesamt für Umwelt (PDF, 55 kB)
- Rutilus pigus in dr Rote Lischt vu dr gfehrdete Arten vu dr IUCN 2013.2. Yygstellt vu: Freyhof, J. & Kottelat, M., 2008. Abgruefe am 14. Dezember 2013