Raiatea, polynesisch Havai’i, alti Nääme Ulietea (James Cook), Uriatea (William Ellis) und Princess (Domingo de Boenechea), isch en Insle im südlige Pazifik znd ghöört geografisch zu de Gsellschaftsinsle, gnauer zu de Unsle under em Wind (franzöösisch „Îles Sous-le-vent“). Si isch die zwäitgrössti Insle vo de Gsellschaftsinsle und het e Flechi vo 194 km². Politisch ghört Raiatea zu Franzöösisch-Polynesie und lit öbbe 220 km nordwestlig vo Tahiti, wo die grössti Insle und s Verwaltigszentrum vom Archipel isch.

Raiatea
Satelliteufnaam vo Raiatea (unde) und Tahaa
Satelliteufnaam vo Raiatea (unde) und Tahaa
Satelliteufnaam vo Raiatea (unde) und Tahaa
Gwässer Pazifische Ozean
Inselgruppe Gsellschaftsinsle
Geographische Lage 16° 49′ S, 151° 26′ WKoordinate: 16° 49′ S, 151° 26′ W
Raiatea (Gesellschaftsinseln)
Raiatea (Gesellschaftsinseln)
Raiatea
Raiatea
Lengi 20 km
Breiti 14 km
Flechi 194 km²
Hechschti Hebi Mont Toomaru
1.032 m
Iiwohner 12.832 (2012)
66 Einw./km²
Hauptort Uturoa
Charte vo Raiatea
Charte vo Raiatea
Charte vo Raiatea

Geografii ändere

 
Schreegufnaam vo Raiatea

Raiatea isch en Atoll und lit zämme mit dr Insle Tahaa nääbedraa im gliiche Koralleriff. Dr Ursprung vo dr Hauptinsle isch vulkanisch und si bestoot vor allem us magmatischem Gstäi. Uf em Riff zringshum und in dr Lagune si e Hufe Motus us wissem Korallesand und Korallestückli.

Tahaa isch nördlig vo Raiatea, zwüsche de bäide Insle het s e 3 km schmaale Sund. D Saag verzelt, ass es s Werk von ere Murääne isch, wo vom Gäist von ere doote Brinzässin bsässe isch. Mit em Boot brucht mä vo Raiatea über d Lagune uf Tahaa öbbe 20 Minute.

Uf Raiatea het s schroffi Gipfel und e stark zerklüfteti Küstelinie mit Buchte, wo dief iigschnitte si, und in dr Lagune si e Hufe chliini und chliinsti Insle. Uf deene Motus si die schönste Sandstränd, wäärend d Küste vo dr Hauptinsle felsig isch und käi Blatz het für Stränd. Dr Gipfel höggst Gipfel isch dr Toomaru mit 1032 m,[1] zum Meer aabe git s stäili Dääler und Schluchte, und zwüschen e schmaali Felsrugge. Es het e Hufe Fliessgwässer mit zum Däil spektakuläre Wasserfäll. Am 1017 m hooche Tefatoatiti[2] isch d Kwelle vom Apoomau River, wo gege Oste in d Faaroa Bay fliesst. Das isch dr äinzigi schiffbari Fluss in Polynesie und je noch em Wasserstand cha mä druf mit chliine Böötli e baar Kilometer wit faare.

S kultivierte Land und d Siidlige lige im ene schmaale Küstesträife, s Innere vo Raiatea isch fast ganz umbewoont.

Weblinks ändere

  Commons: Raiatea – Sammlig vo Multimediadateie

Fuessnoote ändere

  1. Noch dr Encyclopaedia Britannica. Noch Räisefüerer und em Internet sig dr höggst Bärg dr Tefatoatiti mit 1017 m.
  2. Au Tefaoaiti gschriibe, uf historische Charte au Tefatula
  Dä Artikel basiert uff ere fräie Übersetzig vum Artikel „Raiatea“ vu de dütsche Wikipedia. E Liste vu de Autore un Versione isch do z finde.