Rosch Pina
Rosch Pina (hebräisch ראש פינה, au „Rosh Pina“ gschriibe) isch en Ortschaft im oobere Galiläa und het öbbe 2600 Iiwooner. Si ghöört zum Nordbezirk vo Israel. D Stadt isch 1882 gründet worde. Rosch Pina bedütet «Grundstäi» (wörtlig «Eggestäi») und chunnt us eme Psalmvärs, wo au unde im Ortswabbe stoot.
| Rosch Pina | |||
| Basisdate | |||
|---|---|---|---|
| hebräisch: | ראש פינה | ||
| arabisch: | روش بينا | ||
| lateinisch: | Rosch Pina | ||
| Staat: |  Israel
| ||
| Bezirk: | Nord | ||
| Gründet: | 1882 | ||
| Koordinate: | 32° 57′ N, 35° 32′ O | ||
| Höchi: | 420 m | ||
| Flechi: | 17,6 km² | ||
| Iiwohner: | 2.600 (2009) | ||
| Bevölkerigsdichti: | 148 Iiwohner pro km² | ||
| Art vo dr Gmeind: | Lokalverband | ||
| Bürgermeister: | Avihud Rasky | ||
| |||
Gschicht ändere
Rosch Pina isch äini vo de erste modärne jüüdische Siidlige in Palestina gsi, wo denn no Däil vom Osmanische Riich gsi isch.
1878 isch am Blatz, wo spööter Rosch Pina entstande isch, Gei Oni vo Juude us Safed gründet worde. Noch drei Joor fast ooni Rääge, si alli usser drei Familie gange. 1882 si 30 Iiwandererfamilie us dr rumänische Stadt Moinești uf Gei Oni cho, häi sich dört niidergloo und dr Naame zu Rosch Pina gänderet, noch em Spruch us em Psalm 118, 22: Dr Stäi, wo d Baulüt verworffe häi, isch zum Grundstäi worde.
D Siidlig isch im Joor 1883 die ersti jüüdischi Siidlig under em Patronat vom Baron Edmond James de Rothschild worde. Dr Ort isch hüte en israelische Lokalverband.
Demografii ändere
1948, im Joor vo dr Gründig vo Israel und e, Aafang vom israelische Unabhängikäitschrieg het dr Ort 346 Iiwooner gha. Am Ändi vo si s öbbe 2600 gsi, die mäiste Juude.
Geografii ändere
Rosch Pina lit nördlig vom See Genezareth, öbbe 2 km südöstlig vo dr Stadt Safed uf ere Hööchi vo 420 Meter über em middlere Meeresspiegel. Nördlig vo Rosch Pina lit d Hulaebeni mit de Räst vom Hule-See, wo äigentlig e Sumpfgebiet isch, wo in de 1950er-Joor drochegläit worde isch.
Vercheer ändere
Dr Flugplatz Mahanaim / Flughaafe Rosch Pina isch 2,1 km vo Rosch Pina äwäg. Er isch nume für e nazional Flugvercheer vo Bedütig.
Persönligkäite ändere
- Meir Dagan (1945–2016), Generaal und Diräkter vom Mossad
- Ami Assaf (1903–63), Politiker
Weblingg ändere
Commons: Rosch Pina – Sammlig vo Multimediadateie
|
Dä Artikel basiert uff ere fräie Übersetzig vum Artikel „Rosch_Pina“ vu de dütsche Wikipedia. E Liste vu de Autore un Versione isch do z finde. |