Roti Trotte
Di Roti Trotte isch di einzigi vo de acht alte Trottene z Wettige, wo no hüt zum Prässe vo Truube bruucht wird.
Räbbau u Wettige ändere
De Räbbau isch vermutlich mit de Mönch vom Chloschter uf Wettige cho. Nochgwisse isch er sit em 15. Johrhundert, wo s Chloschter Räbberg am Fuess vo de Lägere verpachtet het. Wettiger Buure und Badner Bürger hei in ere Urkund di Pacht beschtätigt überchoo. S Rächt zum Presse vom Saft us de Truube het numme s Chloschter gha und so hei au di sibe älteschte Trottene em Chloschter ghört. Im 1770i isch denn no en achti Trotte dezue cho, d Moschttrotte. Di Roti Trotte isch di einzig wo au hüt no zum Trotte bruucht wird.
Gschicht vo de Trotte ändere
In wellem Johr di Roti Trotte bauet worde-n-isch, isch hüt nüm bekannt. Di erschti Erwäänig in ere Urkund isch us em Johr 1504.[1] Es git aber Hiiwis druf, dass di Trotte im Johr 1428 im Uftrag vom Abt vom Wettiger Chloschter, em Johannes Schwarzmurer bauet worde-n-isch. Sis Wappe isch rächts nebem Oschtiigang vo de Trotte iigmuuret.[2] Im Johr 1555 isch di erschti Trotte abbroche worde und an de gliiche Schtell hei de Hans Murer und de Hans Ulrich Summerer e noii bauet. Wo s Chloschter Wettige im 1841i bim Aargauer Chloschterstriit ufghobe worde-n-isch und de Kanton Aargau s Chloschter und de Bsitz vom Chloschter verschtaatlicht het, isch au di Roti Trotte in de Bsitz vom Kanton cho. Im Johr 1859 isch si vergantet worde und isch sither in Privatbsitz. Sit em 1972i stoht si unter Denkmalschutz.
Näme ändere
De Näme vo de Trotte chunnt vermutlich doher, dass me am Aafang numme roti Truube trottet het.[3]
Weblink ändere
Commons: Roti Trotte – Sammlig vo MultimediadateieEinzelnochwiis ändere
Literatur ändere
- Ortsbürgergemeinde Wettingen (Hrsg.): Geschichte der Gemeinde Wettingen. Baden, 1978.
Koordinate: 47° 28′ 15,8″ N, 8° 19′ 37,9″ O; CH1903: 666986 / 258189