Schwalldorf
| Dialäkt: Schwäbisch |
Schwalldorf isch an Stadtdoal vo Râodaburg am Neggr (hâodeitsch Rottenburg am Neckar) em Kreis Dibenga en Bada-Wirttaberg (Deitschland).
| Schwalldorf Stadt Râodaburg am Neggr
| |
|---|---|
 | |
| Höhe: | 360–492 m |
| Flechi: | 5,81 km² |
| Iiwooner: | 772 (31. Jul. 2018) |
| Iigmäindig: | 1. Januar 1972 |
| Postleitzahl: | 72108 |
| Vorwahl: | 07472 |
D Geografi ändere
Schwalldorf leit sieba Kilometer siadweschtlich vo Râodaburg uf dr Gäuhochfläch rechts vom Neggr. D Schwalldorfer Gmarkung hôt a Heie vo 360 bis 492 Meter, s Dorf leit augfähr uf oara Heie vo 470 Meter.
D Gmarkung ändere
Schwalldorf hôt a Gmarkungsfläch vo 581 Hektar. Vo dene werrat 65,1 % fir d Landwîrdschaft gnomma, 25,6 % davõ send Wald, uf s Dorf ond d Stroaßa endfallad 8,7 %, ond dr Rescht mâcht 0,7 % aus.
D Nochberflegga ändere
D folgende Flegga grenzat â Schwalldorf, se werrat em Uhrzeigrsenn vo Norda â gnannt: Bad Niedernâo, Weiler, Deddenga, Hirlenga, Frommahausa, Birenga ond Obernâo (elle em Kreis Dibenga). Elle Flegga, nõ Hirlenga et, send Stadtdoal vo Râodaburg.
D Leit ändere
En Schwalldorf wonat 781 Leit (Jenner 2008). Dorom isch Schwalldorf oas vo da kloinere Dörfer vo Râodeburg. Bei ra Fläche vo 5,81 km² macht des a Bevölkerungsdichte vo 134 Leit uf da Quadratkilometer.
Religiõ ändere
Dia meischda Leit vo Schwalldorf send kadolisch. Friher hôt Schwalldorf blâoß Kadolische ghedd, weil des Dorf 425 Jor zo Vordereschtreich gheart hôt. Heit leabat augfähr hondert Evangelische em Dorf.
Eiwonerendwiklong ändere
|
|
D Gschîcht ändere
Schwalldorf isch om 1100 rom em Codex vom Kloschter Hirsau zom erschta Mol gnannt worra. Em Codex isch au an Edelmâ mit em Nama Fridericus de Swaldorf gnannt worra. Dia erscht urkondlich Nennong kommt abr vo ra Schenkongsurkond vom 7. Juli 1304. Dr Vogt vo da Grafa vo Hohaberg, dr Heinrich dr Amman hôt da Dominikanernonna vo Kirchberg a Stuck Land en Schwalldorf gschégt. Drom hôt dear Flegga 2004 d'700 Joarfeier ghedd.
Se moined abr, dass dr Flegga gherig elder isch. Weg am "-dorf" em Nama gôht ma vo ra Grendong em 7. oder 8. Joarhondert aus. Des wud au durch an Haufa Ausgrabunga ondermauret. Dia Urkond vom 7. Juli 1304 isch abr dr oazig Bweis.
Em Joar 1357 isch zom erschta Mol a Kabell gnannt worra. Zo dera Zeit isch Schwalldorf abr an doal vo dr Pfarrei Dettenga gwea, die zur Johanniterkommend Hemmadorf gheart hôt. Era Urkond vom 14. Auguschd 1437, en dera a Kuratkaplanei en Schwalldorf grendet wud, hôt ma erschtmols dr Heilig Andreas gnannt. Seit 1507 hent Schwalldorfer a oagne Pfarrei. Dia Kabell hôt ma zur Pfarrkirch erhoba.
Dr Flegga hôt vo 1381 bis 1806 zo dr Landschaft Niederhohaberg en dr Grafschaft Hohaberg gheart. Dr Graf Rudolf III. vo Hohaberg hôt dia Grafschaft 1381 a Vordereschtreich verkaufd. So hôt dear Flegga vo det â zom Habsburgr Reich gheart, bis r mit dr Grafschaft Hohaberg 1805 onder m Pressburgr Frieda zo Wirtaberg komma isch. Em Joar 1807 isch dr Flegga zom neia Oberamt Râodaburg komma. Râodaburg isch au a eschterreichisches Oberamt gwea, bevor s zo Wirtaberg komma isch. Nõch dr Uflösong vom Oberamt Râodaburg, des seit 1924 dr Kreis Râodaburg gsei isch, isch dr Flegga 1938 zom Kreis Dibenga komma. Am 1. Januar 1972 isch die Gmoand Schwalldorf nõ zo dr Stadt Râodaburg komma.
Internetseita ändere
|
Dä Artikel basiert uff ere fräie Übersetzig vum Artikel „Schwalldorf“ vu de dütsche Wikipedia. E Liste vu de Autore un Versione isch do z finde. |