Sexismus

Unter Sexismus verstoht mer jedi Art vu Diskriminierg, Unterdruckig, Zrucksetzig un Benochteiligung vu Mänsche ufgrund vu ihrem Gschlächt. Zum Sexismus im wytre Sinn zelle au kulturäll bedingti Gschlechterrolle - Stereotype vun Wybligkeit un Männligkeit, mit dr Uswirkung, ass es Verhalte vu Fraue un Männer, hyfig uubewusst, mit zweierlei Maß gmässe wir.

Sexischtisch Lit in d Schtaate gegä s Frauewahlrecht

Je sterker individuälli Abwychige vu kulturäll erwartete Rolleverhalte missbilligt oder sogar bstroft wäre, umso schwiriger isch s fir di Beteiligte vorherrschendi Stereotype dur Emanzipation z durbräche.

Sexismus isch s erscht Mol dur d Frauebewegung kritisiert wore un isch mittlerwyli au Gegestand vu dr Gsetzgebig un dr Sozialforschig. S betrifft in vile Kulture in dr Hauptsach d Fraue. S git aber mittlerwyli fascht iberal meh- oder weniger stark usprägti Tendenze zue Emanzipatione un zuer versterkte Anerkännig vu dr Benochteiligunge vu Fraue.

In dr weschtlige Gsellschafte isch syt dr 1990er Johre e Trend z erkänne wäg vu dr Konzentration uf d Unterdruckig vu Fraue hii zuen ere Betrachtig vu dr Gschlächterverhältnis insgsamt (Gender Studies).

Dä Artikel basiert uff ere fräie Übersetzig vum Artikel „Sexismus“ vu de dütsche Wikipedia. E Liste vu de Autore un Versione isch do z finde.