Dialäkt: Lozärntütsch

Suchoi oder Sukhoi (vo russ. Сухой) isch eis vo de bekanntischte Flogzügentweckligsbüros z Russland, sin Name heds dör de ehemalig Chefkonstrukteur Pawel Ossipowitsch Suchoi becho. Berüemt isches vor allem dör sini Suchoi Su-27 Flogzügfamilie wo em Beriich vo de Wendigkeit bes jetzt ongschlage isch. Suchoi macht vor allem militärischi ond Konschtflog-Flogzüg, im akrobatische Bereich hends met de Su-26, Su-29 ond Su-31 bes etzt 330 Medallie gwonne. Zor Ziit schaffeds met Boeing zäme amene Passagierflogzüg, dr Suchoi RRJ. D'Firma isch starch uf Export agwise, do s'russische Militär kei Gäld hed, imene Interwiuu hed en Offizier mol gseid si chened sech einehalb Flogzüg pro Johr leischte. Dä Satz verdütlicht guet d'Schwierigkeite wos zor Ziit in Russland hend, die wechtigschte Exportländer för Suchoi send China ond Indie.

s Hauptquartier vo Suchoi
Suchoi Superjet 100 (Campeche, Mexiko)

D Suchoi-Kampfjets sind v. a. berüehmt-berüchtigt worde, wo en Su-21 am 1. September 1983 z Nacht mit ere Rakete en Jumbo-Jet von der Korean Airlines, wo im ene militärisch sehr sensible Meeresgebiet zwüsche der Sowjetunion und Japan vom Kurs abgwiche isch, abgschosse het und alli Insasse ums Läbe choo sind.[1]

Ekschterne Syte ändere

Link zom Suchoi Entweckligsbüro

Einzelnachwiis ändere

  1. Gondrom-Verlag (Hrsg.): Flugzeug-Katastrophen