Alemannische Wikipedia

Summa Iniuria: Ein Pitaval der Justizirrtümer

Summa Iniuria: Ein Pitaval der Justizirrtümer (Ungertitu: fünfhundert Fälle menschlichen Versagens im Bereich der Rechtsprechung in kriminal- und sozialpsychologischer Sicht)[1], 1976 z Basel use gä, isch di umfangriichschdi u näb Schiller as Arzd di wichdigschdi Schrifd vom Hans Martin Sutermeister, u „isch éini vo de uusfüerlechschde Dokumäntaziòone über Fählurtéil ir dütsche Schbraach“.[2]

Über en Inhalt ändere

Ds Pitaval basiert uf de n Erfaarige vom Sutermeister, wo n er im Schwiizer Büro gäg Amts u Verbandswiuchür (wo n er sich für Revisiòone vo verschidne Mordprozäss iigsedzt hed) gschaffed hed[3]; drinne wird s Fählurtéil kulturgschichdlech basierend uf em Max Hirschbärg sine Houptfählerkwälle vor Rächtsfindig behandled.[4] Dr Sutermeister hed welle dass siis Buech en Aart „Fortsedzig u Ergänzig“ vom Deutschland-Report vom Bernt Engelmann isch.[5]

Dr gröschd Déil (S. 124–707) vom Buech nimmt s Kapitel Zur Genealogie des Justizirrtums: Der Hirschbergtest ii. Dr Sutermeister glidered s nach de sächs wichdigschde „Uursache vo Fählurtéile n ir Schdraafjustiz“ wome n im Buech Das Fehlurteil im Strafprozess vom Max Hirschberg (vo 1960) findet, aber chléi ire n angere Réiefolg, u de duet er no drü wiiteri „Uursache vo Fählurtéil“ ergänze: Éigléisigi Vooruntersuechige, Sugscheschdibilidäät u Gfüelslógik vo de Gschworene / psycholòogischi Fähler vo de Richter, u Fählentscheid im Beréich vor „öffendleche Moraal“. Nach däm Houptdéil, em „Hirschbergtest“, chöme no Rächtsfilosòofischi Schlussfolgerige u braktischi Reformvorschlèg mit bsundriger Berücksichtigung vom Dütsche u vom Schwiizerische Rächtswäse (S. 707–726). Ir Zämefassig (S. 727–747) schlaat dr Sutermeister vor, dess me n ir Schwiiz es sogenannts Bundeskriminalamt (nach em Vorbild vom Dütsche Bundeskriminalamt) séd uufmache (ds Schwiizerische Bundeskriminalamt gits bis hüt need).

Was angeri drüber méine ändere

Em Sutermeister si Aktivismus as „Fählurtéilsjèger“ isch sowou globt[6] as o tadled[7] worde. Im Summa Iniuria isch bsungers dr Déil Fehlentscheide im Bereich der „öffentlichen Moral“ vo de dütsche Jurischde Klaus Volk[8], Wolfgang Lorenz[9] u vom ööschdriicher Otto Scrinzi[10] wäg sim verworrene boliitische n Inhalt kritisiert worde. Für ds Buech sig charakterischdisch, dess dr Sutermeister o über Fäll schriibt, wo n er méint dess si falsch beúurdéilt woorde sige, òoni dass es zure grichdliche n Änderig vom Urteil chòo wäri[11] u wäg däm i mängne Fäll „geziilt dr subjèktivi Schdandpunkd vom Verdéidiger iinimmt“[9].

Für e Schdrafrächdsexpärt Karl Peters nimmt Summa Iniuria „e wichdige Blatz“ ir Réie vo de Wärch über Juschdizirrtümer vom Erich Sello, vom Max Alsberg, vom Albert Hellwig, vom Max Hirschberg, vom Heinrich Jagusch (ò Judex gnennt) u vom Peters sälber ii.[11] Dr Karl Peters schduunt, wi dr Sutermeister i sim Summa Iniuria „des im internazionale Schrifdduum behandlete Materiaal beherrschd u wi n ers dür éignigs Materiaal us dr Schwiiz u us Dütschland überzügend ergänzd. Wichdigi Schdraafverfaare wärde uf schbannendi Art verzellt. Drbii géits em Sutermeister wèniger um Sensaziòon as um e sachlechi Erörterig.“[11] Unger angerem wäg Summa Iniuria hed dr Karl Peters dr Sutermeister, zäme mid em Frank Arnau u mid em Günter Weigand, en „erbidderete Kämpfer für ds Rächd“ gnennt.[12]

Uusgab ändere

  • Summa Iniuria – Ein Pitaval der Justizirrtümer: fünfhundert Fälle menschlichen Versagens im Bereich der Rechtsprechung in kriminal- und sozialpsychologischer Sicht. Basel: Elfenau, 1976 (810 Siitä); u Bärn: Schweizerische Nationalbibliothek, 2011. ISBN 978-3226000962

Kwälle ändere

  1. ↑ Hans Martin Sutermeister. Summa Iniuria: Ein Pitaval der Justizirrtümer. Basel: Elfenau, 1976, S. 1.
  2. ↑ Gwladys Gilliéron. Strafbefehlsverfahren und plea bargaining als Quelle von Fehlurteilen. Züri: Schulthess Juristische Medien, 2010, S. 15. ISBN 978-3-7255-6021-9
  3. ↑ Hans Martin Sutermeister. Summa Iniuria: Ein Pitaval der Justizirrtümer. Basel: Elfenau, 1976, S. 23–24.
  4. ↑ Verwiis uf: Max Hirschberg. Das Fehlurteil im Strafprozess: Zur Pathologie der Rechtsprechung. Schdutgard: Kohlhammer Verlag, 1960.
  5. ↑ Hans Martin Sutermeister. Summa Iniuria: Ein Pitaval der Justizirrtümer. Basel: Elfenau, 1976, S. 26.
  6. ↑ Zum Biischbil vom Gerhard Mauz im Artikel Schuldig, weil wir keinen anderen haben: SPIEGEL-Reporter Gerhard Mauz über die Fehlurteilsjäger Hans Martin Sutermeister und Gustav Adolf Neumann. (Im Schbiegl, 1965, Nr. 18, S. 116 u 118.)
  7. ↑ Zum Biischbil vom Jürgen Thorwald i däm sim Buech Blutiges Geheimnis. Knaur, Münche/Züri 1966, S. 257–258 (Dasch dr Band 1 vor Réie Die Stunde der Detektive. Werden und Welten der Kriminalistik.).
  8. ↑ Klaus Volk. Buchbesprechung: Sutermeister, H. M.. Summa Iniuria. Ir Monatsschrift für Kriminologie und Strafrechtsreform. Jaargang 60, 1977, S. 388.
  9. ↑ 9,0 9,1 Wolfgang Lorenz. Sutermeister, Hans M.: Summa Iniuria. Ein Pitaval der Justizirrtümer – Basel (Elfenau–Verlag) 1976 – 810 S. br. Im Archiv für Kriminologie. Band 160, Hefd 3/4, 1977.
  10. ↑ Otto Scrinzi. Buch im Brennpunkt: Unvermeidliche Justizirrtümer. Ir Ziitschrifd Ärztliche Praxis: Die Zeitung des Arztes in Klinik und Praxis. 1976/1977.
  11. ↑ 11,0 11,1 11,2 Karl Peters. Sutermeister, Hans M.: Summa Iniuria. Ein Pitaval der Justizirrtümer. Basel 1976. Ir Zeitschrift für die gesamte Strafrechtswissenschaft. Jaargang 26, Band 88, Hefd 1, 1976, S.993-995 (Site cha nüme abgrüeft wärde; Suche im Webarchiv)[1] [2] Vorlage:Toter Link/www.reference-global.com, doi:10.1515/zstw.1976.88.4.978).
  12. ↑ Karl Peters: "XIII. Kämpferische" Im Buech Justiz als Schicksal: ein Plädoyer für die andere Seite. De Gruyter, 1979. Siitene 192. ISBN 9782010057120
  Dä Artikel basiert uff ere fräie Übersetzig vum Artikel „Summa_Iniuria:_Ein_Pitaval_der_Justizirrtümer“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Summa_Iniuria:_Ein_Pitaval_der_Justizirrtümer&oldid=1048286"