Thomas Dörflinger
Thomas Dörflinger (* 27. August 1965 z Düenge) isch en badischer Politiker (CDU). Er isch sit em 1998i Mitglied vom dütsche Bundestag.
Läbe un Bruef ändere
Nach em Abitur im 1984i am Klettgau-Gymnasium z Düenge het de Thomas Dörflinger sin Wehrdienst abgleischtet un im Aaschluss do dra ab em 1985i an de Uni Konschtanz Gschicht un Politologi schtudiirt. S Schtudium het er im 1992i mit em Magister Artium abgschlosse. Nach eme Volontariat bi RTL Radio isch er ab em 1993i Redakter un Redaktionsleiter bi RTL Radio Südbadn gsi. Wo de Radiosender im 1994i gschlosse worde-n-isch, isch de Dörflinger zerscht arbeitslos gsi, het aber im 1995i als wissenschaftlicher Mitarbeiter bi de damalige Bundesminischterin für Familie, Seniore, Fraue un Jugend, de Claudia Nolte aagfange schaffe. Vo 1997 bis 1998 isch er dann Redakter bim Schwarzwälder Bote gsi.
De Thomas Dörflinger isch sit em 1992i ghürote un het zwei Söhn. Sin Vater, de Werner Dörflinger isch sin Vorgänger im Bundestag gsi (vo 1980 bis 1998).
Partei ändere
De Thomas Dörflinger isch scho als Schüeler im 1979i Mitglid vo de Junge Union worde un im 1984i au vo de CDU. Sit em 1995 isch er Vorschtandsmitglid vom CDU-Kreisverbandes Waldshuet.
Abgordneter ändere
Sit em 1998i isch de Dörflinger Mitglied vom dütsche Bundestag. Vo 2005 bis 2007 isch er derte Obmann vo de CDU/CSU-Bundestagsfraktion im Usschuss für Familie, Seniore, Fraue un Jugend gsi un stellvertretender familiepolitischer Sprecher vo de CDU/CSU-Fraktion. Scho sit em 2003 isch de Thomas Dörflinger Vorsitzender vo de Dütsch-Schwiizerische Parlamentariergruppe.
De Thomas Dörflinger isch immer als direkt gwählter Abgordneter vom Wahlkreises Waldshuet in de Bundestag iizoge. Bi de Bundestagswahl 2009 het er 41,5 % vo de Erschtschtimme übercho[1].
Gsellschaftlichi Ämter ändere
Siter 2004 isch dr Dörflinger Bundesvorsitzender vum Kolpingwerk Ditschland.
Einzelnoochwiis ändere
- ↑ Archivierte Kopie. Archiviert vom Original am 5. März 2011; abgruefen am 28. September 2009. Website vom Bundeswahlleiter für de Wahlchreis Waldhuet
Weblink ändere
- Website vom Thomas Dörflinger
- Biographie beim Deutschen Bundestag
- Biografi uf dr Homepage vo dr CDU/CSU-Bundestagsfraktion
|
Dä Artikel basiert uff ere fräie Übersetzig vum Artikel „Thomas_Dörflinger“ vu de dütsche Wikipedia. E Liste vu de Autore un Versione isch do z finde. |