Dä Artikel beschribt die schwizerischi Grossbank UBS. Für witeri Bedütige vo UBS lueg UBS (Begriffsklärung)


  UBS AG
Staat Schwiz
Rächtsform Aktiegsellschaft
ISIN CH0024899483
BIC 230[1]
Gründig 29. Juni 1998 (Fusion)
Sitz vom Undernähme Züri und Baasel
Gschäftsdate 2009[2]
Bilanzsumme 1'476,053 Mrd. CHF
Mitarbeiter 69'023
Leitig

Leitig vom Undernähme

Oswald Grübel
(CEO)
Kaspar Villiger
(VR-Präsident)

Website www.ubs.com

D UBS AG isch e Schwizer Grossbank mit Hauptsitz z Züri und z Basel. Si zelt zu de wältwit grösste Vermögensverwalter.

S historische Archiiv vom Konzärn befindet sich am Äscheblatz 6 z Baasel und isch e Baasler Kulturguet, wo nazionali Bedütig het.

Konzärnüberblick ändere

D UBS AG isch im Juni 1998 us dr Fusion vo de beide Schwizer Grossbanke entstande:

  • Schweizerische Bankgesellschaft (Union de Banques Suisses) mit Hauptsitz z Züri (SBG/UBS)[3]
  • Schwizerische Bankverein mit Hauptsitz z Basel (SBV)[4]

D UBS isch in über 50 Länder und an alle wichdige Finanzplätz uf dr Wält mit Niiderlassige verdräte. Am 31. Dezämber 2007 het dr Konzärn wältwit 83'560 Mitarbeiter beschäfdigt, drvo öbbe 39 % in Nord- und Latiinamerika, 33 % in dr Schwiz, 16 % im übrigen Europa und 12 % im asiatisch-pazifische Ruum. Ändi 2007 het d UBS 3‘189 Milliarde Franke Kundegälder verwaltet und isch die grössti Vermögensverwalterin uf dr Wält gsi.[5] Si isch en Aktiegsellschaft noch schwizerischem Rächt. Ihri Aktie si an dr SIX Swiss Exchange und an dr New York Stock Exchange (NYSE) glistet.

Dr Konzärn isch in vier Beriich iideilt: Global Wealth Management & Swiss Banking, Investment Bank, Global Asset Management und Corporate Center.

Konzärnleitig und Verwaltigsroot ändere

Konzärnleiter (CEO) isch sit em 26. Februar 2009 dr Oswald Grübel, er isch noch em Marcel Rohner cho.

Verwaltigsrootspresidänt isch dr Kaspar Villiger (sit 2009), Vizepresidänt dr Sergio Marchionne (sit 2007). Zum Verwaltigsroot ghöre no dr Michel Demaré (sit 2009), dr Rainer-Marc Frey (sit 2008), dr Bruno Gehrig (sit 2008), d Ann Godbehere (sit 2009), dr Axel Lehmann (sit 2009), dr Helmut Panke (sit 2004), dr William G. Parrett (sit 2008), dr David Sidwell (sit 2008) und dr Peter Voser (sit 2005).

Usbildig ändere

D UBS AG bietet jedes Johr über 300 Blätz für Lehrling und Praktikante in dr ganze Schwiz aa. Wenn möglig wärde alli wenn si mit dr Usbildig fertig si, vo dr UBS AG übernoh. Drnäbe bestöhn wältwit Taläntförderigsprogramm für die beste Lehrabsolvänte und für Hochschuelabgänger.

Wichdigsti Gschäftsberiich ändere

Wealth Management ändere

Mit eme Netz vo öbbe 180 Gschäftsstelle wältwit duet d UBS e Summe vo mehr als 3,27 Billione Franke verwalte (2,18 Billione €).

Investment Banking und Wärtschriftegschäft ändere

D UBS ghört zu de wältwit grösste Investmentbanke und nimmt im Gschäft mit institutionelle und Firmekunde e füehrendi Stellig ii.

Global Asset Management ändere

D UBS isch e füehrendi Vermögensverwalterin für institutionelli und privati Kunde und Finanzintermediäri uf dr ganze Wält.

Privat- und Firmekundegschäft Schwiz ändere

Im Schwizer Bankgschäft bedräit dr Marktaadeil vo dr UBS je noch Kundesegmänt zwüschen eme Viertel und eme Drittel. D UBS füehrt Bank- und Wärtschriftedienstleistige für öbbe 2,6 Millione Privat- und rund 143'000 Firmekunde us. D Kundebasis umfasst institutionelli Aaleger, öffentligi Körperschafte und Stiftigen mit Sitz in dr Schwiz und 3000 Finanzinstitut wältwit.

Litratur ändere

  • Dirk Schütz: Herr der UBS – Der unaufhaltsame Aufstieg des Marcel Ospel. Orell Füssli Verlag, Zürich 2006, ISBN 978-3-28005261-7.

Fuessnote ändere

  1. Iitrag im BIC Publication Portal bim SWIFT
  2. Kennzahle vom dritte Quartal 2009 (PDF)
  3. Schweizerische Bankgsellschaft, Iidrag im Handelsregister vom Kanton Züri (Site cha nüme abgrüeft wärde; Suche im Webarchiv)[1] [2] Vorlage:Toter Link/zh.powernet.ch
  4. Schweizerischer Bankverein, Iidrag im Handelsregister vom Kanton Basel-Stadt Archivlink (Memento vom 17. März 2008 im Internet Archive)
  5. Geschäftsbericht der UBS 2009 (Site cha nüme abgrüeft wärde; Suche im Webarchiv)[3] [4] Vorlage:Toter Link/www.ubs.com

Weblingg ändere