Vo innä uisä
Vo innä uisä isch es Theaterstück, wo z Sachslä im Kanton Obwaldä im Summer 2017 ufgfüert worden isch.
Das Mundartspiil isch als Bytrag zum Gedänkjoor a d Geburt vom Brueder Chlaus vor 600 Joor, also im 1417ni entstande. Ufgfüert worden isch nid eifach einisch mee s Läbe vom Familievatter und Einsidler Niklaus vo Flüe, sondern mit däm Spiil het mer d Psuecher mit de Visione vom middelalterleche Mystiker bekannt mache welle. Es sind verschidnegi Persone i dr Gschicht ufträtte, wo i dr Zyt churz noch em Tod vom Niklaus spilt.
Dr Regisseur isch dr Geri Dillier gsi, dr Tegscht und d Lieder sind vom Paul Steinmann cho, als Komponischt und Klangkünschtler het em Dillier sin Soon, der Jul Dillier, gamtet, wo derfür Töön im Ranft und i dr Umgäbig vo Sachslä ufgnoo het, und d Bilder sind vo dr Videokünschleri Judith Albert cho.
Ufgfüert worden isch das «Visionsgedänkspiil», wen em d Iniziante säge, imene Pavillon, wo für d Spiilzit us Holz bout worden isch und zwischem Dorf Sachslä und em Flüeli-Ranft gstanden isch.