Walter Gresham

Dr Walter Gresham (* 22. Jüüli 1841 bii Newtown, King and Queen County, Virginia; † 6. Nowamber 1920 z’ Washington, D.C.) ìsch a US-àmerikànischer Politiker gsìì. Zwìscha 1893 un 1895 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.

Dr Walter Gresham

Dialäkt: Mìlhüüserdiitsch

sii Laawa un Kàrriar

Dr Walter Gresham ìsch ànna 1841 bii Newtown ìm Oschta vum Bundesschtààt Virginia uff d’ Walt kumma. Ar ìsch dr Suhn gsìì vum Edward un vu dr Isabella Gresham geboorana Mann. Ar ìsch Schialer àn dr Stevesville Academy un dr Edgeville Academy gsìì. D’rnooh hàt’r bis 1863 àn dr Üniwärsiteet vu Virginia z’ Charlottesville gschtudiart. Doo druff ìsch’r wahrem Sezässioonskriag Soldààt ìm Heer vu dr Konfederàzioon gsìì. Ar hàt d’rnooh Racht gschtudiart un ìsch ànna 1867 àls Rachtsànwàlt züagloo worra. Àls Ànwàlt hàt’r z’äärscht z’ Galveston gschàfft. Ànna 1872 ìsch’r Bezirksschtààtsànwàlt ìn siinera näija Haimet worra. Gliichzittlig hàt’r a politischa Kàrriar ààgfànga, àls Mìtglììd vu dr Demokrààtischa Pàrtäi. Vu 1886 bis 1891 ìsch’r Àbgoordnet’r gsìì ìm Represantàntahüüs vum Texàs.

Bii da Kongrasswàhla vu 1892 ìsch dr Gresham ìm 10. Wàhlbezirk vum Texàs ìns US-Represantàntahüüs gwählt worra — doo ìsch’r àb’m 4. März 1893 àls Noohflger vum Joseph D. Sayers gsassa. Ar ìsch ìm Joohr 1894 nìt bschtaadigt worra un hàt àlso àm 3. März 1895 dr Kongrass müassa fààraloo. Noh-n-em And vu siinera Zitt ìm Represantàntahüüs hàt dr Gresham wììder z’ Galveston àls Ànwàlt gschàfft. Ar ìsch àm 6. Nowamber 1920 z’ Washington, D.C. gschtoorwa un ìsch z’ Galveston beardigt worra.

Dr Gresham hàt àm 28. Oktoower 1868 d’ Josephine C. Mann ghiiroota ghàà. Mìt ìhra hàt’r niina Kìnder ghàà.

Lìteràtüür

• Anne W. Hooker: Gresham, Walter (1841–1920). In: Texas State Historical Association (Hrsg.): The Handbook of Texas Online. 1952 (amerikanisches Englisch, tshaonline.org [abgerufen am 29. Mai 2023]). 

Weblìnks

 Commons: Walter Gresham – Sammlig vo Multimediadateie

• Walter Gresham im Biographical Directory of the United States Congress
• Walter Gresham in dr Datebank vu Find a Grave

Dä Artikel basiert uff ere fräie Übersetzig vu dere Version vum Artikel „Walter_Gresham“ vu de hochdütsche Wikipedia. E Liste vu de Autore un Versione isch do z finde.