S Züri-Underland isch de nordweschtlichi Täil vom Kanton Züri und bestaat us de Bezirk Tielschtoorff und Büüli. Es gränzt im Weschte as Aargöi und gaat im Noorde über de Rhy, wo s Schtedtli Eglisau und s Rafzerfäld ligged. Ussert Eglisau sind na Rägischbëërg mit em Schloss und Büüli guet erhalteni alti Schtedtli.

Bi Neeri lyt s Neeracherriet, es Flachmoor, wo s SVS Naturschutzzentrum staat und wo vili sältni Tier chönd beobachtet wëërde. Au im Rafzerfäld probiert me, d Artevillfalt vo Tier und Pflanze wider hööcher z mache.

Im Züri-Underland lyt au de Flughaafe Chloote. Wäge dëm und de Nëëchi vo de Schtadt Züri verschtedteret naadinaa de Süüdtäil vom Züri-Underland. De nöördlich Täil isch na ländlicher und drum e beliebti Naaerholigszoone vo de Schtedter.

Z Rägischtoorf isch s Gfängnis Pöschwiis, wo Mane igschpeert wëërded, wänn si schwëëreri Schuld uf sich glade händ.

Literatur ändere

  • Heinrich Hedinger: Das Zürcher Unterland. Paul Haupt, Bern 1971.

Weblink ändere

  Commons: Züri Underland – Sammlig vo Multimediadateie