Éric de Moulins-Beaufort

Dialäkt: Mìlhüüserdiitsch

Dr Éric de Moulins d’Amieu de Beaufort odder aifàch dr Éric de Moulins-Beaufort LL-Q150 (fra)-Mathieu Kappler-Éric de Moulins-Beaufort.wav [eʁik də mulɛ̃ bofɔʁ] (* 30. Janner 1962 z’ Landaach, Wäschtdiitschlànd) ìsch a frànzeescher reemisch-kàthoolischer Gaischtliger. Vu 2008 bis 2018 ìsch’r Auxiliàrbischoof vu Pàriis gsìì, un sitter Àuigscht 2018 ìsch’r Arzbischoof vu Reims. Ìm Àwril 2019 ìsch’r Vorsìtzender vu dr Frànzeescha Bischoofskumferanz worra.

Dr Éric de Moulins-Beaufort ànna 2018

sii Laawa ändere

Jugendsjoohra un Bìldung ändere

Dr Éric de Moulins d'Amieu de Beaufort ìsch dr Suhn vu dr Françoise Liénard un vum Jean-Louis de Moulins.[N 1] Dur a Verordnung vum 18. Septamber 1954 hàt sii Vàtter dr Namma d’Amieu de Beaufort ìwwernumma.[1] Dr Vàtter ìsch Offiziar gsìì.[2] Wu-n-’r älf Johra àlt gsìì-n-ìsch, hàt dr Éric de Moulins-Beaufort uff Pàriis gwàndelt.[2] Ar hàt Politikwìssaschàft àm Ìnschtitüüt fìr Politischa Schtüdia z’ Pàriis (Sciences Po) un d’ Wìrtschàftswìssaschàft àn dr Üniwärsitäät Panthéon-Assas (Pàriis-II) gschtudiart. Drnooh ìsch’r àb 1985 ìns Ìnschtitüüt fìr Theoloogischa Schtüdia z’ Brüssel gànga, un schpeeter àb 1990 ìns Päpschtliga Frànzeescha Priaschterseminàri z’ Rom.[3]

àls Priaschter ändere

Dr Éric de Moulins-Beaufort hàt àm 29. Jüüni 1991 d’ Priaschterwäih ìm Arzbistum Pàriis ämpfànga. Wahrend siim Priaschteràmt hàt’r vor àllem Seminàrìschta gebìldet, z’äärscht àls Dirakter un Lehrer vum Pàriser Priiaschterseminàri vu 1992 bis 2000 un drnooh àls Laiter vu dr Maison Saint-Roch ìm Pàriiser Seminàri vu 1997 bis 2000. Züadam ìsch’r vu 1992 bis 1993 Seelsorjer àm Collège Montaigne z’ Pàriis gsìì, un ìm nachschta Johr Seelsorjer àm Gymnààsium Louis-le-Grand.

Ànna 2000 ìsch’r àls Pfàrrer vu dr Pàriiser Pfàrräi St-Paul-St-Louis ärnännt worra. Fìmf Johra schpeeter ìsch’r àls Prìwààtsekretäär vum Arzbischoof vu Pàriis André Vingt-Trois ärnännt worra.

àls Bischoof un Arzbischoof ändere

Àm 21. Mai 2008 ìsch dr Éric de Moulins-Beaufort vum Pàpscht Benedikt XVI. àls Wäihbischoof vu Pàriis ärnännt worra, un àui àls Titulàrbischoof vu Cresima. Àm gliicha Tàg ìsch àui dr Renauld de Dinechin àls Wäihbischof vu Pàris ärnännt worra. Baida sìnn àm 5. Septamber 2008 vom Kàrdinàl André Vingt-Trois ìm Mìnschter Notre-Dame gwäijt worra. Doo sìnn d’ Mìtkonsekràtoora dr Éric Aumonier (Bischoof vu Versailles), dr Olivier de Berranger (Bischoof vu Saint-Denis), dr Jean-Yves Riocreux (Bischof vu Pontoise) un dr Pierre d’Ornellas (Arzbischof vu Rennes un ehamoolier Wäihbischof vu Pàriis) gsìì.

Àm 18. Àuigscht 2018 ìsch dr Éric de Moulins-Beaufort vum Pàpscht Franziskus àls Arzbischoof vu Reims ärnännt worra.[4][5][6] Ar ìsch àm 28. Oktober 2018 ìm Reimser Liawafràuimìnschter ìnschtàlliart worra.[7] Àm 3. Àwril 2019 ìsch’r Vorsìtzender vu dr Frànzeescha Bischoofskumferanz gwählt worra[8] un ìsch domìt ainer vu da Vorsìtzenda vum öikümeenischa Root vu da Chrìschtliga Kìrcha-n-ìm Frànkrììch (CÉCEF) worra. Ìm Àwrìl 2022 ìsch’r àn dara Schtälla wìedergwählt worra.[9]

Dr Éric de Moulins-Beaufort ìsch Mìtglìed ìm Üssgaawerroot vu dr belgischa theoloogischa Zittschrìft Nouvelle revue théologique.

Àm 13. Jüüli 2021 ìsch’r àls Rìtter vu dr Eehralegioon ärnännt worra.[10]

d’ Biacher, wo-n-’r gschrìewa hàt ändere

  • Anthropologie et mystique selon Henri de Lubac : « l'esprit de l'homme », ou la présence de Dieu en l'homme, Éditions du Cerf, 2003
  • L’Église face à ses défis. CLD, 2019, ISBN 978-2-85443-601-3.
  • Le matin sème ton grain. Éditions du Cerf, 2020, ISBN 978-2-204-14202-1.

Lìteràtüür ändere

  • Jérôme Cordelier: Éric de Moulins-Beaufort, le nouveau visage des évêques français. In: Le Point. 4. April 2019 (französisch, lepoint.fr [abgerufen am 13. Januar 2021]).
  • Jean-Marie Guénois: Monseigneur de Moulins-Beaufort, un nouveau chef de file pour l’Église de France. In: Le Figaro. 3. April 2019 (französisch, lefigaro.fr [abgerufen am 13. Januar 2021]).
  • Bernardette Sauvaget: Eric de Moulins-Beaufort, signe de renouvellement dans l'Eglise catholique. In: Libération. 4. April 2019 (französisch, liberation.fr [abgerufen am 13. Januar 2021]).

Weblìnks ändere

  Commons: Éric de Moulins-Beaufort – Sammlig vo Multimediadateie
  • Yytrag zue Archbishop Éric Marie de Moulins d’Amieu de Beaufort uf catholic-hierarchy.org, aagluegt am 13. Januar 2021 (englisch)
  • Dr Éric de Moulins-Beaufort bii dr kàtholischa Zittung La Croix (frànzeesch)

Ainzelnoohwiisa ändere

  1. Pierre-Marie Dioudonnat: Encyclopédie de la fausse noblesse et de la noblesse d'apparence. 1994, S. 508 (französisch).
  2. 2,0 2,1 Catherine Daudenhan: Mgr Eric de Moulins-Beaufort, l’espérance dynamique. In: L’Est républicain. 21. April 2019, abgruefen am 13. Januar 2021 (französisch).
  3. Mgr Éric de Moulins-Beaufort, nommé archevêque de Reims. (pdf) In: eglise.catholique.fr. Reemisch-kàthoolischa Kìrìch ìm Frànkrììch, 18. August 2018, abgruefen am 13. Januar 2021 (französisch).
  4. KNA: Erzbischof von Reims neuer Chef der Französischen Bischöfe. Domradio, 4. April 2019, abgruefen am 13. Januar 2021.
  5. Vatican News, AP: Frankreich: Leitung der Bischofskonferenz neu besetzt. In: Vatican News. 5. April 2019, abgruefen am 13. Januar 2021.
  6. Julien Tranié: Mgr Eric de Moulin-Beaufort nommé archevêque de Reims. In: La Croix. 18. August 2018, abgruefen am 13. Januar 2021 (französisch).
  7. Valérie Coulet: VIDÉO. À Reims, première messe pour le nouvel archevêque à la cathédrale Notre-Dame. In: L’Union. 28. Oktober 2018, abgruefen am 28. Oktober 2018 (französisch).
  8. Cécile Chambraud: Eric de Moulins-Beaufort sera le prochain président de la Conférence épiscopale. In: Le Monde. 4. April 2019, abgruefen am 13. Januar 2021 (französisch).
  9. Marie-Lucile Kubacki: Nouveau mandat pour Éric de Moulins-Beaufort à la présidence des évêques de France. In: La Vie. 7. April 2022, abgruefen am 10. Juli 2022 (französisch).
  10. Décret du 13 juillet 2021 portant promotion et nomination dans l'ordre national de la Légion d'honneur. In: legifrance.gouv.fr. Abgruefen am 10. Juli 2022 (französisch).

Füassnoota ändere

  1. Noh-n-em Charondas sim Büach À quel titre ? ìsch d’ Fàmìlia de Moulins Tail vum „fàlscha-n-Àdel“.
  Dä Artikel basiert uff ere fräie Übersetzig vu dere Version vum Artikel „Éric_de_Moulins-Beaufort“ vu de französische Wikipedia. E Liste vu de Autore un Versione isch do z finde.