Accra
Accra (in dr Sproch vu dr Akan: Nkran) isch d Hauptstadt vu Ghana un mit 2.291.352 Yywohner (Stand 2012)[1] di grescht Stadt vum Land un s adminischtrativ un wirtschaftli Zäntrum.[2] In dr Hauptsach wäre Nahrigsmittel, Sperrholz, Textilie un Chemikalie härgstellt. Accra bildet mit dr Stadt Tema un em gmainsame Umland d Greater Accra Region, ais vu zee Regione vu Ghana. Mit em Kotoka International Airport het d Stadt e internationale Flughafe.
Accra | |||
---|---|---|---|
| |||
Koordinate | 5° 33′ N, 0° 13′ W | ||
Basisdate | |||
Staat | Ghana | ||
Greater Accra Region | |||
Distrikt | Accra Metropolitan Area | ||
Region | Greater Accra Region | ||
Höchi | 20 m | ||
Flechi | 185 km² | ||
Iiwooner | 2.291.352 (1. Jänner 2012) | ||
Dichti | 12.385,7 Ew./km² | ||
Politik | |||
Gouverneur | Stanley N. A. Blankson | ||
Kultur | |||
Partnerstedt | Chicago Washington, D.C. | ||
Innestadt vu Accra
|
D Elektroschrottdeponi vu Agbogbloshie, eme Viertel im weschtlige Stadtbiet, isch 2013 vu dr Umwältorganisazioon Blacksmith Institute zue aim vu dr dräckigschte Ort uf dr Wält gwehlt wore.
Gschicht ändere
Accra isch im 15. Johrhundert vu dr Ga grindet wore, wu do Handel mit dr Europäer hän welle drybe. S erscht Fort vu dr Portugiese isch vu dr Yyhaimische niderbrännt wore. Im 17. Jh. hän meereri europäischi Kolonialmächt Feschitge in dr Region um Accra böue: d Niderlander 1605 s Fort Ussher, d Schwede 1657 d Christiansborg un d Ängländer 1673 s Fort James.
E Ärdbidem het anne 1862 großi Dail vu Accra gschlisse. 1877 isch d Hauptstadt vu dr domalige britische Kolony „Goldkischte“ vu Cape Coast uf Accra verlait wore.
Weblingg ändere
Fuessnote ändere
- ↑ Ghana Statistical Service - Social and Demographic Statistics (Memento vom 11. Februar 2015 im Internet Archive) z Änglisch
- ↑ Greater Accra uf ghana.gov.gh
Dä Artikel basiert uff ere fräie Übersetzig vum Artikel „Accra“ vu de dütsche Wikipedia. E Liste vu de Autore un Versione isch do z finde. |