Adolf Pfrengle

Dr Adolf Pfrengle (* 20. Oktober 1934 z Fryburg) isch e dytsche Haimetautor.

Lääbe

Dr Pfrengle isch z Harde ufgwagse un het sy gaz Lääbe dert gwohnt.

Vor em Uusbruch vum Zweete Wältchrieg isch d Familie uf Hitisau z Eschtrych evakuiert wore. Noch dr dytsche Bsetzig vu Pole het d Familie wider chenne retuurchuu, isch aber vor em Aagriff uf Frankrych wider evakuiert wore, desmol uf Pfullendorf, 1944 sin si e dritt Mol uf Ehrenstetten evakuiert wore. Sy Vater, Hermann Pfrengle, isch im Chrieg as Soldat z Norwege gsii un isch anne 1948 us dr franzesiche Gfangeschaft retuurchuu uf Harde. Wel sy Großvater syt ere Verletzig im Erschte Wältchrieg blind gsii isch un däm sy zweete Suhn, em Adolf Pfrengle sy Unkel, im Zweete Chrieg as Jagdflieger z Italie gfallen isch, het är vyl syne Großeltere uf em Buurehof ghulfe. Wu d Großeltere s Buure ufgee hän, het er vu 1980 bis 1997 bi dr Gmai Harde as Waldarbaiter gschafft.

Dr Pfrengle duet syt vyl Johr Gschicht un Gschichte rund um Harde sammle, im Lauf vu dr Johr het er e umfangrych Archiv vu dr Hardemer Gschicht zämedrait. Är het zue dr Familie in sym Dorf gforscht, zue dr Gschicht, zue dr Chronik vu dr „Ehrsame Fischerzunft“, wun er Mitglid isch. Im Rhywald vu Harde het er aafange d Pflanze- un d Dierwält z fotografiere un dernääbe sammlet er alemannischi Werter un Uusdruck us em Hardemer Dialäkt, en Uuswahl het er unter em Titel „ds´Harte, usse am Rii“ anne 2001 as Buech uusegee.

Syter anne 1950 isch er Mitglid in dr Draachtekapäll Harde, aafange het er Drumpete gspiilt, speter isch er uf s Bariton umgstiige. Derzu isch er au Mitglid im Salmen-Verain.

Schrifte

• ds Harte, usse am Rii – Hartheimer Wortschatz. Hartheim 2001.

Weblink

• Otmar Faller: Ein Hobby-Archivar, der leidenschaftlich Geschichte(n) sammelt, Badische Zeitung, 20. Oktober 2014
• Otmar Faller: Akribischer Sammler und Archivar, Badische Zeitung, 21. Oktober 2019