Hauptmenü ufmache
s Sproochedänkmool vo Paarl

S Afrikaanse Taalmonument isch es Dänkmool für en Sprooch. Es stoot z Paarl i der Provinz Weschtkap z Südafrika und es isch zur Hauptsach em Afrikaans gwidmet. Taalmonument heisst uf düütsch «Sproochedänkmol».

S Afrikaans isch d Sprooch vo der Meerheit vo de öiropäische Bewooner vom weschtliche Südafrika, und es isch e Form vom Holändisch. Ane 1925 isch s Afrikaans als eigeni Sprooch definiert woorde, und es het denn s Holändisch als die ofizielli Landessprooch vo Südafrika, wo dozmol die Südafrikanischi Union gsi isch, ersetzt. Sid em Ändi vo der Apartheid i der Republik Südafrika i de 1990er Joore isch es eini vo dere ire elf ofizielle Landessprooche.

S groosse Dänkmol isch ane 1975 bout worde. Syni architektonischen Elimänt selle sächs Sache symbolisiere: s sproochliche kulturellen Eerb vo Öiropa, d Würkig vo Afrika uf d Entwicklig vo der Landessprooch, e Brugg vo Afrika uf Öiropa algemäin, s Afrikaans sälber, d Republik als Staatsform und d Bedüütig vo der malaiische Sprooch und Kultur für s Südafrikanisch. Am Dänkmool het’s Dafele mit Inschrifte druff, wo Sprüüch vo südafrikanische Dichter zitiere. Eine dervo heisst uf Düütsch übersetzt: «Afrikaans ist die Sprache, die Westeuropa und Afrika verbindet.»

I der Nöchi vom Dänkmool isch au s südafrikanische Sprooch- und Literaturmuseum.

WeblinkBearbeite

  Commons: Afrikaanse Taalmonument – Sammlig vo Multimediadateie