Alexandra Schmitt
D Alexandra Schmitt (* 30. Jänner 1861 z Fryburg; † noch em Juuni 1938[1] waarschyyns z Berlin; au Alexandra Schmidt) isch e dytschi Schauspiileri gsii.
Lääbe ändere
D Schmitt isch us ere Theaterfamilie chuu un isch scho im Alter vu drei Joor uf dr Biini vum Stuegerter Hooftheater gstande, wu ire Vater Ooberspiillaiter gsii isch. Si isch derno mit ire Eltere an verschiideni anderi Spiiloort zooge, dodrunter Bremen un Königsberg.
Chuurz no dr Joorhundertwändi isch si uf Berlin chuu, wu si segs Joor lang am Staatstheater ufdrätten isch, derno am Dytsche Theater, Lessingtheater, Schillertheater un an dr Volksbiini. In dr 1910er Joor het si in dr Neechi vu Berlin iri aige chlaini Biini glaitet. Gaschtspiilraise hän si unter anderem uf Bromberg, Thorn un Magdeburg gfiert.
Dr Reschiseer Jürgen Fehling het si in ere Uffierig vu s Else Lasker-Schülers Die Wupper as Mutter Pius bsetzt. Bis 1935 isch d Alexandra Schmitt uf dr Biini gstande. Iri letscht Roll isch d Frigga in ere Uffierig vu Die Nibelungen am Dytsche Theater gsii.
Syter anne 1927 isch si au widerhoolt as Daarstelleri vu schwäär briefte Mietere uf dr Lyynwand z sääne gsii. Iri greescht Laischtig isch anne 1929 d Titelfiguur in s Piel Jutzis Mutter Krausens Fahrt ins Glück gsii, wu si us Verzwyyflig iber s perseenli un soziaal Eeläbd s Lääbe nimmt. Dr letscht Hiiwyys uf d Alexandra Schmitt, wu mer dervu waißt, stammt vum Juuni 1938.
Filmografy ändere
- 1927: Pique Dame
- 1927: Kleinstadtsünder
- 1928: Hände hoch, hier Eddy Polo
- 1928: Lotte
- 1928: Unter der Laterne
- 1928: Der Kampf ums Matterhorn
- 1929: Das brennende Herz
- 1929: Ich lebe für Dich
- 1929: Tagebuch einer Kokotte
- 1929: Der Ruf des Nordens
- 1929: Frühlingsrauschen
- 1929: Mutter Krausens Fahrt ins Glück
- 1931: Ihre Majestät die Liebe
- 1933: Flucht nach Nizza
- 1934: Mutter und Kind
Weblink ändere
- Alexandra Schmitt in dr Internet Movie Database
Fueßnote ändere
- ↑ Quäll: Kay Weniger: Das große Personenlexikon des Films, Band 7, S. 137, Berlin 2001; Em Paul Stanley Ulrich sy Biographisches Verzeichnis für Theater, Tanz und Musik (2 Bd., Berlin Verlag 1997) git "um 1935" aa.
|
Dä Artikel basiert uff ere fräie Übersetzig vu dere Version vum Artikel „Alexandra_Schmitt“ vu de dütsche Wikipedia. E Liste vu de Autore un Versione isch do z finde. |