D Ambianer (lat. Ambiani) sind en keltische Schtamm in Gallie gsi. Sie händ sich a de Somme in Nordoschtfrankriich agsidlet. Ihri Hauptschtadt hät s hütigi Amiens bildet.

E Goldmünze vo de Ambianer

De Name Ambiane hät bedütet "diä vo de zwei Site", was uf ihri geographischi Lag zrügzfüehre isch. Sie händ in diräkter Nachbuurschaft mit de Atrebatä, Nerviär, Bellovaker und de Caleter gläbt.

Im Jahr 57 v. Chr. händ d Ambianer mit 10'000 Chrieger d Koalition vo dä Belger unterschtützt. Sie sind aber vom Julius Caesar unterworfe worde. Im Johr 52 haige si 5'000 Ma gschickt em Vercingetorix z Alesia go z hälfe. Im Johr druf hai si dr Ufstand vo de Bellovaker under em Correus understützt, wo vo de Römer underdruckt worden isch.

Dä Artikel basiert uff ere fräie Übersetzig vum Artikel „Ambianer“ vu de dütsche Wikipedia. E Liste vu de Autore un Versione isch do z finde.