Andreas Herczog

Dr Andreas Herczog (* 11. Februar 1947 z Budapest; † 12. Septämber 2021; haimetberäächtigt z Lieschtel) isch e Schwyzer Bolitiker (POCH, SP). Är isch vu 1979 bis 1999 fir dr Kanton Züri Mitglid vum Nazionaalroot gsii.

dr Andreas Herczog am Reednerpult vum Nazionaalroot (1986)

Lääbe

Dr Herczog isch ane 1956 ase Chind as Ungarnflichtling in d Schwyz chuu. Är het an dr ETH Züri Architäktuur studiert.

Sy bolitischi Karriere het dr Herczog ane 1968 in dr SP aagfange, isch aber noi im nämlige Joor in d POCH iiberdrätte. Är isch 1974 in Gmairoot vu dr Stadt Züri gweelot woore; 1978 isch er doodrus zurgdrätte. 1975 isch er in Kantoonsroot vum Kantoon Züri gweelt woore, aber 1979 nimi widergweelt woore. Derfiir isch er e halb Joor speeter in Nazionaalroot gweelt woore, wun er fir zwanzg Joor Mitgliid bliiben isch. No dr Ufleesig vu dr POCH isch er ane 1991 zur SP retuurgcheert. Bi dr Waale 1999 isch er nimi aadrätte.

Brivaat het er e Architäktuurbiro ghaa. E stedteboulige Bionier isch er bi dr Iiberbouig vum friejere Staifels-Areaal im Ziircher Stadtchrais 5 gsii, wun er zaigt het, wie me e Fabriggareaal in e Kumpläx vu Woonige, Biro un Reschtaurant cha verwandle – dää isch 2002 ufgange.

Weblink

• Andreas Herczog uf dr Websyte vo dr Bundesversammlig

Fueßnote

Dä Artikel basiert uff ere fräie Übersetzig vu dere Version vum Artikel „Andreas_Herczog“ vu de dütsche Wikipedia. E Liste vu de Autore un Versione isch do z finde.